• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

మావోయిస్టు అగ్రనేత, కేంద్ర కమిటీ సభ్యుడు ఆర్కె ఎక్కడున్నారు?

By Pratap
|
Ramakrishna
హైదరాబాద్‌: మావోయిస్టు అగ్రనేత, కేంద్ర కమిటీ సభ్యుడు అక్కిరాజు హరగోపాల్ అలియాస్ రామకృష్ణ అలియాస్ ఆర్కె ఎక్కడున్నారనేది ఇప్పుడు ప్రశ్నార్థకంగా మారింది. ఆర్కె భార్య పద్మ అలియాస్ శిరీష అరెస్టుతో పోలీసుల్లో ఉత్సాహం కనిపిస్తోంది. ఆర్కెను పట్టుకోవడం పెద్ద కష్టం కాదనే ఉద్దేశంతో వారు ఉన్నట్లు కనిపిస్తున్నారు. ఆర్కె కోసం ఆంధ్ర - ఒరిస్సా సరిహద్దుల్లో గ్రేహౌండ్స్ పోలీసులు విస్తృతంగా గాలింపు చర్యలు ప్రారంభమయ్యాయి. శిరీష అనారోగ్యంతో బాధపడుతున్న ఆర్కె కోసం ఆర్ఎంపి వైద్యుడిని తీసుకున్న వెళ్తుండగా పట్టుబడ్డారు. దీంతో ఆర్కె ఇదే ప్రాంతంలో ఉండవచ్చునని పోలీసులు భావిస్తున్నారు.

ఆర్కె న్యుమోనియాతో బాధపడుతున్నట్లు వార్తలు వచ్చాయి. ఆయనకు చికిత్స చేయిండానికి పద్మ వస్తుండగా పోలీసులకు పట్టుబడ్డారని చెబుతున్నారు. ఆమెతో పట్టుబడిన మావోయిస్టు సానుభూతిపరుల నుంచి కూడా ఆర్కెకు సంబంధించిన సమాచారాన్ని రాబట్టే ప్రయత్నంలో పోలీసులు ఉన్నట్లు చెబుతున్నారు. ఇప్పటికే రామకృష్ణ పోలీసు వలయంలో చిక్కుకున్నట్లు కూడా వార్తలు వస్తున్నాయి. ప్రభుత్వంతో జరిగిన చర్చల్లో మావోయిస్టు ప్రతినిధుల్లో ఒకరిగా ఆయన పాల్గొన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X