వైయస్ జగన్ పని వల్ల వైయస్సార్ ఆత్మ క్షోభిస్తుంది: హర్ష కుమార్

న్యూఢిల్లీ: కడప పార్లమెంటు సభ్యత్వానికి, పార్టీ ప్రాథమిక సభ్యత్వానికి రాజీనామా చేసి వైయస్ జగన్ పెద్ద తప్పు చేశారని అమలాపురం పార్లమెంటు సభ్యుడు హర్షకుమార్ మంగళవారం న్యూఢిల్లీలో విలేకరుల సమావేశంలో అన్నారు. జగన్ ప్రస్తుత కార్యకలాపాల వల్ల దివంగత ముఖ్యమంత్రి వైయస్ రాజశేఖరరెడ్డి ఆత్మక్షోభిస్తుందన్నారు. వైయస్ ఎప్పుడు కాంగ్రెసు పార్టీకి, ఏఐసిసి అధ్యక్షురాలు సోనియాగాంధీకి విధేయుడిగా ఉండేవారన్నారు.

పార్టీ అధిష్టానంపై, సోనియాగాంధీపై విమర్శలు చేసి తన పదవీ కాంక్షను బయట పెట్టుకున్నారన్నారు. వైయస్ ఎన్ని గడ్డు పరిస్థితులు ఏర్పడినా కాంగ్రెసు పార్టీని వీడలేదని చెప్పారు. పార్టీకి వ్యతిరేకంగా నిర్ణయం అనేది జగన్ చేసిన తప్పే అన్నారు.