దీంతో వైయస్ జగన్ ఆగరు, రెండో దశ ఉద్యమం: అంబటి రాంబాబు

హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డి ఈరోజు కాస్త నీరసంగా ఉన్నారని జగన్ వర్గం నేత అంబటి రాంబాబు మంగళవారం మీడియా ప్రతినిధులతో చెప్పారు. జగన్ దీక్ష చేస్తున్నప్పటికీ ప్రభుత్వం స్పందించక పోవడం దురదృష్టకరమన్నారు. జగన్ దీక్ష ముందుగా చెప్పినట్టు వారం రోజులు కొనసాగుతుందని స్పష్టం చేశారు. జగన్ దీక్షను పోలీసులు భగ్నం చేసే సాహసం చేస్తారని నేను అనుకోవడం లేదని అన్నారు. ముఖ్యమంత్రి కిరణ్‌కుమార్ రెడ్డి ప్రభుత్వం ప్రస్తుతం నిస్సహాయ స్థితిలో ఉందని అన్నారు. ఐదురోజులుగా రోజులు జగన్ దీక్ష చేస్తున్నా, ఆయనకు లక్షలాది మంది మద్దతు తెలుపుతున్నా ప్రభుత్వానికి చీమ కుట్టినట్లు కూడా లేదన్నారు.

జగన్ దీక్షకు ప్రజాధరణ లేదనడం, జగన్ దీక్ష చేపట్టిన ఇందిరాపార్కులోని వరలక్ష్మి ప్రాంగణం వెలవెల పోతుందనే వాదనల్లో ఎలాంటి నిజం లేదన్నారు. ఇప్పటి వరకు 4 లక్షల మంది ప్రజలు జగన్‌ను కలిసి వెళ్లారని చెప్పారు. ప్రభుత్వంపై ఫీజులు చెల్లించాలని జగన్ చేస్తున్న దీక్ష ఇది ప్రారంభం మాత్రమే అన్నారు. ప్రభుత్వం దిగి రాకుంటే రెండో దశ ఉద్యమం ప్రారంభిస్తామని హెచ్చరించారు.

English summary

Ex MP YS Jaganmohan Reddy camp leader Ambati Rambabu said today that Jagan seems dull today. He warned government Jagan will take up another agitation, if government will not respond.