వేధింపులతో హెచ్చార్సీ ఎదుట ఉద్యోగి ఆత్మహత్యా యత్నం

హైదరాబాద్: హైదరాబాద్‌లోని మానవ హక్కుల వేదిక కార్యాలయం ముందు ఓ ఉద్యోగి ఆత్మహత్యకు పాల్పడిన సంఘటన తీవ్ర ఉద్రిక్తతకు దారి తీసింది. సోమవారం ఉదయం హెచ్చార్సీ ముందు కడప జిల్లాకు చెందిన చంద్రశేఖర్ అనే ప్రభుత్వ ఉద్యోగి ఆత్మహత్యకు పాల్పడ్డాడు. చంద్రశేఖర్ కడప జిల్లా గురుకుల పాఠశాలలో సీనియర్ అసిస్టెంట్‌గా ఉద్యోగం చేస్తున్నారు. చంద్రశేఖర్ అత్మహత్యకు ఉన్నతాధికారుల వేధింపులే కారణమని తెలుస్తోంది.

ఉన్నతాధికారుల వేధింపుల కారణంగా అతను హెచ్చార్సీ ముందు విషం తాగాడు. గమనించిన అధికారులు పోలీసులకు సమాచారం అందించారు. పోలీసులు వెంటనే వచ్చి అతనిని దగ్గరలోని ఆసుపత్రికి తరలించారు. అయితే ఉన్నతాధికారులు తన సమస్యను పరిష్కరించక పోవడం వల్లనే ఆయన ఆత్మహత్యకు పాల్పడినట్లు ఆయన రాసిన లేఖను బట్టి తెలుస్తోంది.

English summary

School assistant Chandrasekhar attempt to commit suicide today at HRC. He attempted suicide as his officers resorted to tourcher.