వ్యభిచారం కేసులో తెలుగు సినీ నటి, ఇరిగేషన్ ఈఈ అరెస్టు

By Srinivas

Published: Monday, March 14, 2011, 16:19 [IST]

విజయవాడ: వ్యభిచారం కేసులో ప్రముఖ సినీ నటిని విజయవాడ పోలీసులు సోమవారం అరెస్టు చేసారు. గ్రేసీ అనే క్యారెక్టర్ నటిని పోలీసులు అరెస్టు చేశారు. నీటి పారుదల శాఖకు చెందిన ఎగ్జిక్యూటివ్ ఇంజినీర్ నాగేశ్వరరావుతో కలిసి అతిథి గృహంలో ఉన్న సినీ నటి గ్రేసీని పోలీసులు అరెస్టు చేశారు. అధికారి నాగేశ్వరరావు ఓ బాధ్యతాయుతమైన పోస్టులో ఉండి ఏకంగా ప్రభుత్వ గెస్టు హౌస్‌లోనే సినీ నటితో వ్యభిచారానికి పాల్పడ్డాడు. గ్రేసీని ఆదివారం రాత్రే హైదరాబాద్ నుండి రప్పించినట్టుగా తెలుస్తోంది.

రాత్రి విజయవాడకు తీసుకు వచ్చి నటిని గెస్ట్ హౌస్‌లోనే ఉంచినట్టుగా తెలుస్తోంది. ఈ సందర్భంగా అక్కడ ఓ పార్టీని కూడా అరేంజ్ చేసినట్టుగా తెలుస్తోంది. అయితే ఈ విషయాన్ని ఎవరో టాస్క్‌పోర్సు పోలీసులకు ఉప్పందించగా వారు రైడ్ చేసి వ్యభిచారం నిర్వహిస్తున్న నాగేశ్వరరావును, సినీ నటిని అరెస్టు చేసి విచారిస్తున్నారు. నాగేశ్వర్ రావుపై ఇదివరకే ఇసుక వ్యవహారంలో ఆరోపణలు వచ్చినట్టుగా తెలుస్తోంది.

Published On March 14, 2011