తిరుమలలో భక్తుల ఆందోళన: కాలినడక వచ్చే వారికి నిరాకరణ

హైదరాబాద్: ప్రముఖ పుణ్యక్షేత్రం తిరుమల తిరుపతిలో శ్రీ వేంకటేశ్వరస్వామి భక్తులు బుధవారం ఆందోళనకు దిగారు. తమ దర్శనానికి అనుమతి ఇవ్వాలని వారు డిమాండ్ చేశారు. దేవస్థానం ఆలయ అధికారి కృష్ణారావుకు వ్యతిరేకంగా భక్తులు నినాదాలు చేశారు. కాలినడకన వచ్చే భక్తులకు దేవస్థానం అధికారులు అనుమతి నిరాకరించడంతో భక్తులు ఆందోళనకు దిగారు.

కాగా లఘు దర్శనం కారణంగానే కాలినడకవ వచ్చే భక్తులను ఆపినట్లుగా తెలుస్తోంది. భక్తులు కంపార్టుమెంట్లలో ఉదయం నుండి అలాగే ఉన్నారు. లైన్ అసలే కదలక పోవడంతో భక్తులు తీవ్ర నిరాశకు గురయ్యారు. వారికి సరియైన సౌకర్యాలు కూడా లేవు. మంచినీళ్లు తప్ప ఏ సౌకర్యాలు లేక పోవడంతో భక్తులు తీవ్ర ఆగ్రహం వ్యక్తం చేశారు.

English summary

Sri Venkateshwara devotees organiged agitation against Tirumala Tirupati Devasthanam organigation today. They gave slogans against EO Krishna Rao.