బాబా ఆరోగ్యం నిలకడగా ఉంది, అయినా ఆందోళనకరమే: బులెటిన్

By Srinivas

Published: Wednesday, April 20, 2011, 9:47 [IST]

అనంతపురం: భగవాన్ శ్రీ సత్యసాయిబాబా ఆరోగ్యంపై సిమ్స్ డాక్టర్లు మంగళవారం ఓ బులెటిన్ విడుదల చేశారు. బాబా కాలేయం పని తీరు నెమ్మదిగా ఉందని చెప్పారు. ఇది ఆందోళనకరమే అని చెప్పారు. ఇప్పటికీ వెంటిలేటర్ ద్వారానే సత్యసాయికి చికిత్సను అందిస్తున్నట్టుగా చెప్పారు. సిఆర్ఆర్‌టి చికిత్స ద్వారా డయాలసిస్ కొనసాగిస్తున్నామని చెప్పారు. బాబా ఆరోగ్యం ఇంకా మెరుగు పడక పోవడంతో ఆందోళన తగ్గలేదని చెప్పారు. అయినా భక్తులు భయపడాల్సిన అవసరం లేదని చెబుతున్నారు.

వైద్యులు బాబా ఆరోగ్యంపై కేవలం బులెటిన్ మాత్రమే విడుదల చేస్తూ బాబాను చూపించక పోవడంపై ఆందోళన చెందుతున్నారు. అంతేకాదు మంగళవారం ట్రస్ట్ సభ్యులు అయిన భగవతి, ఇందూలాల్ షాలు బాబా భౌతిక దేహం ముఖ్యం కాదని తమ వెబ్ సైట్లో పేర్కొనటం, ప్రభుత్వ హెల్త్ సెక్రటరీ రమేష్ బాబా కోమాలోకి వెళ్లారని చెప్పడంతో భక్తులు మరింత ఆందోళనకు గురవుతున్నారు.

Published On April 20, 2011