సురేష్ కల్మాడీని అరెస్టు చేసిన సిబిఐ, కామన్‌వెల్త్ క్రీడలపై విచారణ

న్యూఢిల్లీ: కామన్‌వెల్త్ క్రీడల నిర్వహణలో జరిగిన అక్రమాలపై క్రీడల నిర్వాక కమిటీ మాజీ చైర్మన్ సురేష్ కల్మాడీని అరెస్టు సిబిఐ అరెస్టు చేసింది. కామన్‌వెల్త్ క్రీడల నిర్వహణలో అక్రమాలపై విచారణ కోసం కల్మాడీ సోమవారం సిబిఐ కార్యాలయానికి వచ్చారు. విచారణ అనంతరం సిబిఐ కల్మాడీని అరెస్టు చేసింది. సిబిఐ విచారణకు ఆయన హాజరు కావడం ఇది మూడోసారి. విస్తృత దర్యాప్తు అనంతరం ఇద్దరు సభ్యుల సిబిఐ బృందం లండన్ నుంచి తిరిగి వచ్చింది. తాను క్రీడల నుంచి ఒక్క పైసా ప్రయోజనం కూడా పొందలేదని కల్మాడీ చెప్పారు.

తన మాజీ సహచరుడు సంజయ్ మహీంద్రూ విజ్ఞప్తి మేరకు 1.46 లక్షల రూపాయలను విడుదల చేయడానికి కల్మాడీ సంతకాలు చేసినట్లు సిబిఐ గుర్తించింది. క్వీన్స్ బాటన్ రిలేకు వీడియో స్క్రీన్స్, కార్ల సరఫరాకు కాంట్రాక్టు ఇచ్చిన విషయంో కూడా అక్రమాలు జరిగినట్లు సిబిఐ తెలుసుకుంది. హైదరాబాదుకు చెందిన ఎకెఆర్ కన్సట్రక్షన్ కల్మాడీ అనుబంధ కంపెనీగా భావిస్తున్నారు. ఎక్విప్‌మెంట్ కాంట్రాక్టు కోసం స్విస్ టైమింగ్ 13 కోట్ల రూపాయలను ఆ కంపెనీ ఖాతాలో జమ చేసినట్లు తెలుస్తోంది. ఈ డీల్‌ను అంగీకరించడంలో పలువురు అధికారుల పాత్ర కూడా ఉన్నట్లు భావిస్తున్నారు.

English summary

Commonwealth Games Organizing Committee former chairman Suresh Kalmadi is arrested. He reached the Central Bureau of Investigation (CBI) office for the third time on Monday for questioning in cases related to alleged irregularities in the conduct of the sporting event.