ఫుల్లుగా తాగొచ్చి ఖైదీలపై వీరంగం: అడ్డుకున్న సూపరిండెంట్‌పై దాడి

By Srinivas

Published: Thursday, May 19, 2011, 10:55 [IST]

హైదరాబాద్: చంచల్ గూడ జైలులో ఓ అధికారు అర్ధరాత్రి ఫుల్లుగా తాగొచ్చి ఖైదీలపై వీరంగం ఎత్తారు. మరో అధికారి అయనను అడ్డుకోబోయారు. దాంతో తాగొచ్చిన అధికారు అడ్డుకోబోయిన అధికారిపై దాడి చేశారు. బుధవారం అర్ధరాత్రి చంచల్ గూడ జైలు డిప్యూటీ సూపరిండెంట్ శ్రీమాన్ రెడ్డి బాగా తాగొచ్చాడు. అర్ధరాత్రి వచ్చి ఖైదీలపై కేకలు వేశాడు. వారిపై వీరంగం వేశాడు. గమనించిన సూపరిండెంట్ కేశవనాయుడు శ్రీమాన్ ను అడ్డుకోబోయాడు.

దాంతో రెచ్చిపోయిన శ్రీమాన్, కేశవనాయుడుపై దాడి చేశాడు. అయితే ఉన్నతాధికారులు ఈ గొడవపై విచారణ జరిపిస్తున్నారు. చంచల్ గూడ జైలులో ఓ అధికారి ఇలా ఫుల్లుగా తాగొచ్చి వీరంగం సృష్టించాడని బయటకు తెలిస్తే బావుండదని లోలోనే విచారిస్తున్నట్టుగా తెలుస్తోంది.

Published On May 19, 2011