జూన్‌ తర్వాత రాజకీయ సంక్షోభం తప్పదు: బండారు దత్తాత్రేయ

By Pratap

Published: Saturday, May 28, 2011, 15:08 [IST]

కరీంనగర్: రాష్ట్రంలో వచ్చే జూన్ నెల తర్వాత రాజకీయ సంక్షోభం ఉత్పన్నమవుతుందని భారతీయ జనతా పార్టీ (బిజెపి) రాష్ట్ర సీనియర్ నేత బండారు దత్తాత్రేయ జోస్యం చెప్పారు. జూన్ తర్వాత రాజకీయ సంక్షోభం తప్పదని ఆయన శనివారం మీడియా ప్రతినిధులతో అన్నారు. ప్రస్తుతం గండిపేటలో జరుగుతున్న తెలుగుదేశం పార్టీ మహానాడులో తెలంగాణకు అనుకూలంగా తీర్మానం చేయాలని బండారు డిమాండ్ చేశారు.

కాంగ్రెస్‌ పార్టీకి చిత్తశుద్ది ఉంటే పార్లమెంట్‌లో తెలంగాణ బిల్లు పెట్టాలని కోరారు. తెలంగాణ బిల్లు ప్రవేశపెడతామని కాంగ్రెస్ పార్టీ అధినేత్రి సోనియాగాంధీతో రాష్ట్రానికి చెందిన పార్టీ నేతలు ప్రటన చేయించాలని ఆయన కోరారు. లేనిపక్షంలో తెలంగాణలో కాంగ్రెస్ పార్టీ కనుమరుగై పోతుందన్నారు. తెలంగాణ కోసం నాగం జనార్దన్ రెడ్డి వంటి నాయకులతో కలిసి పనిచేస్తామని ఆయన చెప్పారు.

Published On May 28, 2011