చంద్రబాబుకు దమ్ములేదు, జగన్‌తో వెళ్లినప్పుడే బలం తగ్గింది: ఈటెల

By Srinivas

Published: Thursday, June 2, 2011, 14:10 [IST]

హైదరాబాద్: తెలుగుదేశం పార్టీ అధ్యక్షుడు నారా చంద్రబాబునాయుడుకు అధికార కాంగ్రెసు ప్రభుత్వంపై అవిశ్వాసం పెట్టే దమ్ము లేదని తెలంగాణ రాష్ట్ర సమితి శాసనసభా పక్షనేత ఈటెల రాజేందర్ గురువారం అన్నారు. తెలుగుదేశం పార్టీ అవిశ్వాసానికి సిద్ధమవుతుందని వార్తలు వస్తున్న నేపథ్యంలో ఈటెల స్పందించారు. వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డితో కాంగ్రెసు పార్టీ శాసనసభ్యులు వెళ్లినప్పుడే ముఖ్యమంత్రి కిరణ్ కుమార్ రెడ్డి బలం తగ్గిందన్నారు.

ఇప్పటికీ కాంగ్రెసు మైనార్టీలోనే ఉందన్నారు. అయినా చంద్రబాబుకు అవిశ్వాసం పెట్టే దమ్ము లేదన్నారు. తాము కూడా కాంగ్రెసు ప్రభుత్వం ఎప్పుడు కూలిపోతుందా అని ఎదురు చూస్తున్నామని అన్నారు. తెలంగాణపై అనుకూల వైఖరి ప్రకటించని కాంగ్రెసు తెలంగాణ ప్రజలకు అవసరం లేదన్నారు.

Published On June 2, 2011