మంత్రులు శ్రీధర్ ‌బాబు, కోమటిరెడ్డిల వల్లే ఆత్మహత్యలు: గోనె

By Srinivas

Published: Thursday, June 2, 2011, 14:18 [IST]

హైదరాబాద్: తెలంగాణలో విద్యార్థుల ఆత్మహత్యలకు మంత్రులు శ్రీధర్ బాబు, కోమటిరెడ్డి వెంకటరెడ్డిలే కారణం అని వైయస్ఆర్ కాంగ్రెసు పార్టీ నేత గోనె ప్రకాశ్ రావు గురువారం ఉదయం అసెంబ్లీలోని మీడియా పాయింట్ వద్ద మాట్లాడుతూ ఆరోపించారు. తెలంగాణ విద్యార్థుల ఆత్మహత్యలకు కారణం అయిన శ్రీధర్ బాబు, కోమటిరెడ్డిలు వెంటనే రాజీనామా చేయాలని ఆయన డిమాండ్ చేశారు. ప్రత్యేక తెలంగాణపై తెలంగాణ కాంగ్రెసు నేతలకు చిత్తశుద్ధి ఉంటే వెంటనే రాజీనామా చేయాలని డిమాండ్ చేశారు.

అసెంబ్లీ సమావేశాలు ఇంత అత్యవసరంగా నిర్వహించాల్సిన అవసరం ఏమొచ్చిందని గోనె ప్రకాశరావు ప్రశ్నించారు. వచ్చే శీతాకాల సమావేశాల్లో ప్రజా సమస్యలు చర్చకు రాకూడదనే ఉద్దేశ్యంతోనే సభాపతి ఎన్నికను తెరపైకి తీసుకు వచ్చారన్నారు. వ్యూహంలో భాగంగానే ప్రభుత్వం ఇలాంటివి చేస్తుందన్నారు.

Published On June 2, 2011