అలాగైతే శ్రీశైలం డ్యామ్ మాకివ్వాలి: టిజి వెంకటేష్

కర్నూలు‌: హైదరాబాద్ తెలంగాణకైతే, తమ రాయలసీమ ప్రాంతానికి శ్రీశైలం డ్యామ్ ఇవ్వాలని రాయలసీమకు చెందిన మంత్రి టిజి వెంకటేష్ డిమాండ్ చేశారు. తెలంగాణ ప్రాంత నాయకుల ఉద్రేకపు మాటలకు బలి కావద్దని ఆయన తెలంగాణ ఎన్‌జివోలకు సూచించారు. ఏకాభిప్రాయం లేకపోవడం వల్లనే గతంలో బిజెపి నాయకత్వంలోని ప్రభుత్వం తెలంగాణ ఇవ్వలేదని ఆయన శనివారం మీడియా ప్రతినిధులతో చెప్పారు. విభజన మాటను విస్మరించి తెలంగాణవాదులు రాష్ట్ర అభివృద్ధిపై దృష్టి సారించాలని ఆయన హితవు పలికారు.

14ఎఫ్ తొలగింపు వల్ల సీమాంధ్రులే కాకుండా తెలంగాణవాళ్లు కూడా ఉద్యోగాలు కోల్పోతారని ఆయన అన్నారు. తెలంగాణ రాష్ట్రాన్ని ఏర్పాటు చేస్తే దేశంలో 20 రాష్ట్రాలు ఏర్పాటు చేయాల్సి ఉంటుందని ఆయన అన్నారు. ఈ నెల 20వ తేదీన అనంతపురంలో సీమ సైనిక సైవాదళ్‌ను ఏర్పాటు చేస్తున్నట్లు ఆయన చెప్పారు.

English summary

Minister from Rayalaseema TG Venkatesh said that if Hyderabad belangs to telangana, Srisailam dam should be givent Rayalaseema.