సోనియా ఆరోగ్యం కోసం విహెచ్ చండీయాగం

By Pratap

Published: Saturday, August 6, 2011, 16:05 [IST]

హైదరాబాద్‌: యూపీఏ ఛైర్‌పర్సన్‌ సోనియాగాంధీ సంపూర్ణ ఆరోగ్యంతో తిరిగిరావాలని కాంక్షిస్తూ హైదరాబాద్‌లో రాజ్యసభ సభ్యుడు వి. హన్మంతరావు సతీసమేతంగా శనివారం చండీయాగం నిర్వహించారు. హైదరాబాదు నగరంలోని అంబర్‌పేట మహంకాళీ ఆయలంలో రుద్రహోమం, శత చండీయాగం చేపట్టారు. అమెరికాలో చికిత్స పొందుతున్న తమ అధినేత తిరిగి వచ్చే వరకూ యజ్ఞాలు కొనసాగుతూనే ఉంటాయని వీహెచ్‌ తెలిపారు.

కాగా, తెలంగాణ రాష్ట్ర ఏర్పాటుకు ఏకాభిప్రాయం కావాలని కేంద్ర హోం మంత్రి చిదంబరం అనడం సరి కాదని, ఏకాభిప్రాయం సాధ్యం కాదని ఆయన మీడియా ప్రతినిధులతో అన్నారు. 2009 డిసెంబర్ 9వ తేదీ ప్రకటన చేయకపోతే పరిస్థితి ఇలా ఉండేది కాదని ఆయన అన్నారు. సోనియా ఆరోగ్యం విషయంలో తెలంగాణ పార్లమెంటు సభ్యులు, శాసనసభ్యులు ఆలోచన చేయాలని ఆయన సూచించారు. తెలంగాణలో ఆత్మహత్యలు జరగకుండా చూడాల్సిన బాధ్యత కూడా వారిపై ఉందని ఆయన అన్నారు.

Published On August 6, 2011