తెలంగాణ ఏర్పాటుకు 14ఎఫ్ నిర్ణయం సూచికనా?
14ఎఫ్ తొలగింపుపై అపోహలు వద్దని కాంగ్రెసు తెలంగాణ ప్రాంత పార్లమెంటు సభ్యుడు పొన్నం ప్రభాకర్ అన్నారు. రేపు సమావేశమై తాము భవిష్యత్తు కార్యక్రమాన్ని ఖరారు చేసుకుంటామని ఆయన చెప్పారు. ఎల్లుండి కాంగ్రెసు నాయకులు తలపెట్టిన నిరసన దీక్ష రద్దయ్యే అవకాశం ఉంది. 14ఎఫ్ తొలగింపు నిర్ణయంలో చాలా జాప్యం జరిగిందని, ఈ నిర్ణయం ఎప్పుడో తీసుకుని ఉంటే బాగుండేదని కాంగ్రెసు మరో పార్లమెంటు సభ్యుడు గుత్తా సుఖేందర్ రెడ్డి అన్నారు. 14ఎఫ్ తొలగింపు నిర్ణయాన్ని తెలుగుదేశం పార్టీ అధ్యక్షుడు నారా చంద్రబాబు నాయుడు కూడా ఆహ్వానించారు. ఈ విషయంలో కేంద్ర ప్రభుత్వం చాలా జాప్యం చేసిందని ఆయన న్యూఢిల్లీలో అన్నారు.
Click it and Unblock the Notifications
Sign in with Google