మాయ ఇంటికి రూ. 20 కోట్ల ప్రభుత్వ వ్యయం

లక్నో: ఉత్తరప్రదేశ్ ముఖ్యమంత్రి మాయావతి తన ఇంటి మరమ్మతులకు 20 కోట్ల రూపాయల ప్రభుత్వ ధనాన్ని ఖర్చు పెట్టారు. ఆ ఖర్చు అక్షరాలా 20 కోట్ల 12 వేల 60 వేల రూపాయలు. మరో రెండు కోట్ల రూపాయల అవసరం ఉంది. లక్నోలోని మాల్ ఎవెన్యూ 13లో ఈ భవనం ఉంది. ఇటీవలే ఆమె ముఖ్యమంత్రి అధికారిక నివాసం నుంచి తన సొంత ఇంటికి మారారు. 13 లక్కీ నెంబర్ కావడంతో ఆమె తన నివాసాన్ని మార్చినట్లు చెబుతున్నారు.

మాయావతి భవనం మరమ్మతులకు ముఖ్యమంత్రి కంటింజెన్సీ నిధుల నుంచి ఖర్చు పెట్టారు. ఆమె 2002 నుంచి తన ఇంటి కోసం 51 కోట్ల రూపాయలు ఖర్చు పెట్టినట్లు మంగళవారం శాసనసభలో ప్రతిపాదించిన అనుబంధ బడ్జెట్ తెలియజేస్తోంది. ఆమె ఇంటి మరమ్మతులకు 2002లో 19.53 కోట్లు కేటాయించారు. మళ్లీ 2007లో అధికారంలోకి వచ్చిన తర్వాత 10.09 కోట్లు మంజూరు చేశారు. నగరంలోని అత్యంత ప్రధానమైన ప్రదేశంలో గల మాయావతి ఇల్లు 2 లక్షల చ. అడుగుల విస్తీరణంలో ఉంది. దీని ప్రహారీగోడ నిర్మాణానికి 22 కోట్ల రూపాయల అవసరం ఏర్పడింది. తన ఇంటి ఆవరణలో కాన్షీరాం విగ్రహం పక్కనే తన 18 అడుగుల ఎత్తు విగ్రహాన్ని స్థాపించుకున్నారు.

English summary

Dalit leader Mayawati spent Rs 20,12,60,000 of public money over the past one year to renovate her bungalow at 13, Mall Avenue, in Lucknow. She needs Rs 2 crore more.