గాలి బ్రదర్స్‌కు షెట్టర్ మద్దతు, పదవులివ్వాలని సూచన

బెంగుళూరు: గాలి సోదరులపై బిజెపి జాతీయాధ్యక్షుడు నితిన్ గడ్కరీ ప్రశంసలు కురిపించిన నేపథ్యంలో కర్ణాటక రాష్ట్ర గ్రామీణాభివృద్ధి, పంచాయతీరాజ్ మంత్రి జగదీష్ షెట్టర్ వారికి మద్దతు పలికారు, గాలి సోదరులకు మంత్రివర్గంలో చోటు కల్పించాలని ఆయన సూచించారు. ధర్వాడాలో జాతీయ పతాకను ఆవిష్కరించిన ఆనంతరం సోమవారం షెట్టర్ మీడియా ప్రతినిధులతో మాట్లాడారు. గాలి జనార్దన్ రెడ్డి, కరుణాకర్ రెడ్డి, శ్రీరాములు చేసిన కఠిన శ్రమను బిజెపి అధిష్టానం మరిచిపోదని ఆయన అన్నారు.

గాలి సోదరుల సమిష్టి కృషి వల్లనే బిజెపి ఉత్తర కర్ణాటకలో బలం పుంజుకుందని, ఈ విషయాన్ని బిజెపి అధిష్టానం మరిచిపోదని ఆయన అన్నారు. గాలి బ్రదర్స్‌ను లోకాయుక్త తప్పు పట్టిన విషయాన్ని మీడియా ప్రతినిధులు గుర్తు చేయగా లోకాయుక్త తప్పు పట్టినా అది న్యాయవ్యవస్థ ముందుకు రావాల్సి ఉందని ఆయన అన్నారు. అక్రమ మైనింగ్‌లో వారి పాత్ర ఉందని న్యాయవ్యవస్థ తేల్చలేదని, అందువల్ల వారిని రాజకీయాలకు దూరంగా ఉంచడం సరి కాదని ఆయన అన్నారు.

English summary

Rural Development and Panchayat Raj Minister Jagadish Shettar has strongly felt that Reddy brothers should be included in the state Cabinet.