సినిమా, మోడరన్ డ్రెస్సులపై మళ్లీ చిరుకు కోరిక

హైదరాబాద్‌: సినిమాల్లో నటించాలన్న తన కోరికను కాంగ్రెసు పార్టీ నాయకుడు, తిరుపతి శానససభ్యుడు చిరంజీవి మరోసారి బయట పెట్టారు. ఆయన బుధవారంనాడు హైదరాబాదులోని జూబ్లీహిల్స్‌లో ఆయన డిజైనర్ షోరూమ్‌ను ప్రారంభించారు. మోడ్రస్ డ్రెస్సులు వేసుకోవాలనే కోరిక కలుగుతోందని, రాజకీయాల్లో ఉండడం వల్ల అది కుదరడం లేదని ఆయన అన్నారు. మళ్లీ సినిమాల్లో నటించాలని ఉందని, నటించాల్సి వస్తే ఆలోచిస్తానని ఆయన అన్నారు.

చిరంజీవి వీలున్నప్పుడు సినిమాల్లో నటించాలని తాము కోరుకుంటున్నట్లు చిరు అభిమానుల సంఘం అధ్యక్షుడు రాము ఓ టీవీ చానెల్ ప్రతినిధితో అన్నారు. నలుగురు దర్శకులు చిరంజీవి 150వ సినిమాకు దర్శకత్వం వహించడానికి సిద్ధంగా ఉన్నారని ఆయన అన్నారు. చిరంజీవి 150వ చిత్రాన్ని నిర్మించడానికి ఆయన కుమారుడు రామ్ చరణ్ తేజ సిద్ధంగా ఉన్న విషయం తెలిసిందే.

English summary

Chiranjeevi again expressed his desire to act in films and wear modern dresses.