దర్యాప్తునకు అవసరమైతే అరెస్టులు: లక్ష్మినారాయణ

హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్ ఆస్తులు, ఎమ్మార్ ప్రాపర్టీస్ కేసుల్లో దర్యాప్తునకు అవసరమైతే అరెస్టులు చేస్తామని సిబిఐ జాయింట్ డైరెక్టర్ లక్ష్మినారాయణ చెప్పారు. ఆయన మంగళవారంనాడు సచివాలయంలో ప్రభుత్వ ప్రధాన కార్యదర్శిని కలిశారు. దర్యాప్తునకు అవసరమైన సహాయం అందించాలని ఆయన విజ్ఞప్తి చేశారు. పరిశ్రమలు, రెవెన్యూ వంటి 8 శాఖల నుంచి తమకు సమాచారం కావాలని ప్రభుత్వ కార్యదర్శిని కోరినట్లు ఆయన తెలిపారు. దర్యాప్తు వేగవంతమైందని, అరెస్టుల గురించి ఇప్పుడే ఏమీ చెప్పలేమని ఆయన మీడియా ప్రతినిధులతో అన్నారు.

విచారణకు ఎన్ని రోజులు పడుతుందో ఇప్పుడే చెప్పలేమని ఆయన అన్నారు. తమకు కావాల్సిన పత్రాల జాబితాను ప్రభుత్వ కార్యదర్శికి ఇచ్చినట్లు, కొన్ని సౌకర్యాలు కల్పించాలని అడిగినట్లు ఆయన తెలిపారు. రివ్యూ పిటిషన్‌లో పేర్కొన్న అంశాలకు సంబంధించిన సమాచారాన్ని కోరినట్లు ఆయన తెలిపారు. పత్రాలు, హార్డ్ డిస్కులు స్వాధీనం చేసుకున్నట్లు ఆయన చెప్పారు. సాక్ష్యాధారాల సేకరణనే తాము జరుపుతున్నట్లు ఆయన తెలిపారు.

English summary

CBI joint director Laxminaryana met CS at secretariat for assistance YS Jagan assets and Emaar cases.