కోడి పిల్లను కూడా తెరాస నేతలు నరకలేరు: ఆనం

నెల్లూరు: మాటి మాటికీ నరుకుతామంటున్న తెలంగాణ రాష్ట్ర సమితి (తెరాస) నాయకులు కోడిపిల్లను కూడా నరకలేరని కాంగ్రెసు సీమాంధ్ర శానససభ్యుడు ఆనం వివేకానంద రెడ్డి వ్యాఖ్యానించారు. సమ్మె పేరు మీద తెరాస నాయకులు గుండాయిజం, రౌడీయిజానికి పాల్పడుతున్నారని ఆయన ధ్వజమెత్తారు. తెరాస అధ్యక్షుడు కె. చంద్రశేఖర రావు, ఆయన కుటుంబ సభ్యుల స్వార్థం కోసం, సముపార్జన కోసం ప్రత్యేక వాద ఉద్యమం చేస్తున్నారని ఆనం వివేకానంద రెడ్డి శనివారం మీడియా ప్రతినిధులతో అన్నారు.

తెరాస చేస్తున్నది సకల జనుల సమ్మె కాదని, సకల జనులపై మర్దన అని ఆయన వ్యాఖ్యానించారు. సకల జనుల సమ్మె పేరిట రవాణాను అడ్డుకుంటున్నారని, మనమేమైనా చైనాలో ఉన్నామా, దేశ సరిహద్దు సమస్యనా అని ఆయన అన్నారు. తెలుగుదేశం తెలంగాణ ప్రాంత నాయకులు చేస్తున్న సమ్మెను తెరాస నాయకులు ఎందుకు అడ్డుకుంటున్నారని ఆయన అడిగారు. తెరాస శాసనసభ్యులు కూడా తెరాస శాసనసభ్యులతో పాటు రాజీనామాలు చేశారని, వారు కూడా ఉద్యమం చేస్తున్నారని, కేవలం తెరాస రాజకీయ స్వార్థం కోసమే అలా చేస్తోందని ఆయన అన్నారు. తెలుగు మాట్లాడేవారిని నరుకుతారా అని ఆయన అడిగారు.

English summary

Congress Seemandhra MLA Anam Vivekananda Reddy attacked TRS leaders.