గజల్ గాయకుడు జగ్జిత్ సింగ్‌ మెదడుకు శస్త్రచికిత్స

ముంబై: ప్రముఖ గజల్ గాయకుడు జగ్జిత్ సింగ్ ఆరోగ్యం ఆందోళనకరంగా ఉంది. బాంద్రాలోని లీలావతి ఆస్పత్రి ఇంటెన్సివ్ కేర్ యూనిట్ (ఐసియు)లో ఆయన చికిత్స పొందుతున్నారు. మెదడులో రక్తం గడ్డం కట్టం లేదా రక్తస్రావం సమస్యతో అత్యవసరంగా శస్త్రకిత్స చేశారు. భారత పేరు పొందిన గజల్ గాయకుల్లో జగ్జిత్ ఒక్కరు. ఆయన శుక్రవారం మాతుంగాలోని షణ్ముఖానంద హాల్‌లో గులాం అలీతో కలిసి ప్రదర్శన ఇవ్వాల్సి ఉంది. ఆ సంగీత విభావరి రద్దయింది.

గత కాలం నుంచి 70 ఏళ్ల జగ్జిత్ సింగ్ రక్తం పోటుతో బాధపడుతున్నారు. నియంత్రించలేని హైపర్ టెన్షన్ వల్ల లేదా తీవ్రమైన రక్తంపోటు వల్ల మెదడులో రక్తస్రావం జరిగినట్లు చెబుతున్నారు. శుక్రవారం సాయంత్రం ఆయనకు శస్త్రచికిత్స చేశారు. సింగ్‌తో పాటు ఆయన భార్య చిత్ర 1970ల్లో వెలుగులోకి వచ్చారు. హిందీ చిత్రాలకు ఆయన సంగీతం కూడా సమకూర్చారు. 2003లో ఆయనకు పద్మశ్రీ అవార్డు లభించింది.

English summary

Ghazal singer Jagjit Singh is critical and in the intensive care unit of Lilavati Hospital, Bandra, said sources on Friday evening.