అంతిమ విజయం వైయస్ జగన్‌దే: అంబటి రాంబాబు

విజయవాడ: ప్రస్తుతం జరుగుతున్న సమరంలో అంతిమ విజయం తమ పార్టీ అధ్యక్షుడు వైయస్ జగన్మోహన్ రెడ్డిదేనని వైయస్సార్ కాంగ్రెసు పార్టీ నాయకుడు అంబటి రాంబాబు అన్నారు. జగన్ రైతు ధర్నా కార్యక్రమంలో ఆయన శనివారం ప్రసంగించారు. వైయస్ రాజశేఖర రెడ్డి పాలనలో రాజుల్లా బతికిన రైతులను ఇప్పుడు దర్నాలకు దిగే దుస్థితికి ప్రభుత్వం తీసుకుని వచ్చిందని ఆయన విమర్శించారు. గాంధేయవాదులు తలలు దించుకునేలా కాంగ్రెసు నాయకులు వ్యవహరిస్తున్నారని ఆయన విమర్శించారు.

ఎన్ని కుట్రలు చేసినా అంతిమ విజయం వైయస్ జగన్‌దేనని ఆయన అన్నారు. వైయస్సార్ కాంగర్ెసు పార్టీ ఎన్ని కుట్రలనైనా ఎదుర్కుంటుందని ఆయన అన్నారు. ప్రజల ఆదారణ, ప్రేమాభిమానాలు పొందిన జగన్‌ను ఎవరూ ఏమీ చేయలేరని ఆయన దీమా వ్యక్తం చేశారు. కిరణ్ కుమార్ రెడ్డి ప్రభుత్వం చంద్రబాబు నాయుడి పాలనను తలపిస్తోందని గుంటూరు జిల్లా వైయస్సార్ కాంగ్రెసు పార్టీ కన్వీనర్ రాజశేఖర్ అన్నారు. రైతుల విషయంలో కిరణ్ కుమార్ రెడ్డిది, చంద్రబాబునాయుడిది ఒకే విధామని ఆయన అన్నారు.

English summary

YSR Congress party leader Ambati Rambabu lashed out at Congress party.