హైటెక్ వ్యభిచార ముఠా గుట్టు రట్టు, ఆరుగురి అరెస్టు

హైదరాబాద్: హైదరాబాదులోని మాదాపూర్‌లో ఓ హైటెక్ వ్యభిచార ముఠా గుట్టును పోలీసులు రట్టు చేశారు. మాదాపూర్‌లోని ఓ అపార్టుమెంటులో వ్యభిచారం నిర్వహిస్తున్న ముగ్గురు యువతులను, ముగ్గురు విటులను పోలీసులు అరెస్టు చేశారు. వ్యభిచారం చేస్తున్న ముగ్గురు యువతులు ముంబైకి చెందినవారని పోలీసులు చెప్పారు. వ్యభిచారం నిర్వహిస్తున్న వ్యక్తి పరారీలో ఉన్నట్లు ఆయన తెలిపారు.

అపార్టుమెంటులో వ్యభిచారం నడుస్తోందనే సమాచారం మేరకు తాము అపార్టుమెంటులోని ఓ ఫ్లాట్‌పై దాడి చేశామని, ఈ సందర్భంగా తాము ఆరుగురిని అదుపులోకి తీసుకున్నామని పోలీసులు తెలిపారు. విటుల డిమాండ్ మేరకు శివరామ్ అనే వ్యక్తి అమ్మాయిలను సరఫరా చేస్తూ గుట్టుగా వ్యభిచారం నడిపిస్తున్నాడని పోలీసులు తెలిపారు.

English summary

Hyderabd police busted hitech prostitution gang at madapur and 3 mumbai girls were arrested.