ఢిల్లీ హోటల్లో ఇరవయ్యారేళ్ల సేల్స్ గర్ల్ రేప్

By Srinivas

Published: Monday, October 24, 2011, 10:26 [IST]

న్యూఢిల్లీ: ఇరవయ్యారేళ్ల యువతిపై అత్యాచారానికి పాల్పడ్డాడనే ఆరోపణలతో ఓ సెల్స్ ఎగ్జిక్యూటివ్‌ను సౌత్ ఢిల్లీలోని వసంత్ కుంజ్ హోటల్లో పోలీసులు ఆదివారం అరెస్టు చేశారు. ఈ అత్యాచారం ఫిర్యాదు మధ్యాహ్నం రెండు గంటల ప్రాంతంలో పోలీసులకు అందింది. ఫిర్యాదు అందుకున్న వెంటనే పోలీసులు హోటల్ చేరుకొని నిందితుడిని సంఘటనా స్థలంలోనే అదుపులోకి తీసుకున్నారు. బాధితురాలు బుద్ద విహార్ నివాసి. ఈమె కూడా సెల్స్ ఎగ్జిక్యూటివ్‌గానే పని చేస్తున్నారు. నిందితుడు బాధితురాలిపై ఎక్కడైతో అత్యాచారానికి పాల్పడ్డాడో ఆ హోటల్‌కు పిలిపించినట్లు పోలీసులు చెప్పారు.

తమకు ఫోన్ కాల్ రాగానే వెంటనే వెళ్లి నిందితుడిని అరెస్టు చేశామని పోలీసులు చెప్పారు. నిందితుడు మధ్య ప్రదేశ్ రాష్ట్రంలోని నిమాజ్ నుండి ఢిల్లీ పర్యటన నిమిత్తం వచ్చాడన్నారు. నిందితుడు ట్రావెల్ ఏజెన్సీలో పని చేస్తున్నందున తరుచూ ఢిల్లీ పర్యటిస్తాడని చెప్పారు. తరుచూ ఢిల్లీ పర్యటనలు చేస్తుండటం వల్ల బాధితురాలితో ఇతడికి గత కొన్నాళ్లుగా పరిచయముందని చెప్పారు. పోలీసుల చెబుతున్న వివరాల ప్రకారం బాధితురాలు నిందితుడిని కలవడానికి ఆదివారం ఉదయం హోటల్ వెళ్లింది.

Published On October 24, 2011