కెసిఆర్,సోనియా రహస్య ఒప్పందం, నాగంపైపోటీ: రేవంత్

By Srinivas

Published: Sunday, November 13, 2011, 16:28 [IST]

మహబూబ్ నగర్: తెలంగాణ సమస్యను ప్రధాని మన్మోహన్ సింగ్ ప్రపంచ సమస్యగా చిత్రీకరించారని తెలుగుదేశం పార్టీ శాసనసభ్యుడు రేవంత్ రెడ్డి మహబూబ్ నగర్ జిల్లాలో ఆదివారం అన్నారు. ప్రధాని ప్రకటన ఏఐసిసి అధ్యక్షురాలు సోనియా గాంధీ కనుసన్నల్లోనే జరిగిందని ఆయన అభిప్రాయపడ్డారు. తెలంగాణ కాంగ్రెసు పార్లమెంటు సభ్యులు వెంటనే ప్రభుత్వానికి మద్దతు ఉపసంహరించుకోవాలని డిమాండ్ చేశారు. ఇంత జరుగుతున్న టిఆర్ఎస్ అధినేత కల్వకుంట్ల చంద్రశేఖర రావు సోనియాపై పెదవి విప్పక పోవడమేమిటన్నారు. సోనియా, కెసిఆర్ మధ్య రహస్య ఒప్పందమేంటో బహిర్గతం కావాలన్నారు. బిజెపి వచ్చే ఎన్నికల్లో అవిశ్వాస తీర్మానం పెట్టాలన్నారు.

కాంగ్రెసును, సోనియాను కెసిఆర్ రక్షిస్తుంటే తెలంగాణ రాజకీయ ఐక్య కార్యచరణ సమితి పేరుతో దాని అధ్యక్షులు ఆచార్య కోదండరాం కెసిఆర్‌ను రక్షిస్తున్నారని విమర్శించారు. ఇటీవల తెలుగుదేశం పార్టీని వీడిన తెలంగాణ నగారా సమితి చైర్మన్ నాగం జనార్ధన్ రెడ్డి పైన ఉప ఎన్నికలలో తెలుగుదేశం పార్టీ పోటీ చేస్తుందని ఆయన స్పష్టం చేశారు.

Published On November 13, 2011