'రేపిస్టు' ఎమ్మెల్యేపై సస్పెన్షన్ ఎత్తివేత, ఎన్సీపి పని

ముంబై: తీవ్రమైన క్రిమినల్ ఆరోపణలు ఎదుర్కుంటున్న వారిని తాము దూరం పెడతామని మహారాష్ట్ర హోం మంత్రి, ఎన్సీపి నేత ఆర్ఆర్ పాటిల్ గంభీరంగా ప్రకటించినప్పటికీ వివాదాస్పద జల్గావ్ శానససభ్యుడు దిలీప్ వాఘ్‌పై వేసిన సస్పెన్షన్ వేటును ఆ పార్టీ అధ్యక్షుడు మధుకర్ పిఛడ్ బుధవారం ఎత్తేశారు. నాసిక్ ప్రభుత్వ అతిథి గృహంలో దిలీప్ వాఘ్‌పై ఓ మహిళపై అత్యాచారానికి పాల్పడ్డాడనే ఆరోపణలపై కేసు నమోదైంది. రేప్ ఆరోపణలపై ఫిబ్రవరిలో వాఘ్ అరెస్టు కావడంతో పార్టీ ఆయనను సస్పెండ్ చేసింది. అన్ని విషయాలను పరిశీలించి వాఘ్‌పై సస్పెన్షన్ ఎత్తేయాలని నిర్ణయించినట్లు పార్టీ అధికారులు చెబుతున్నారు.

ఉత్తర మహారాష్ట్రలోని మున్సిపల్ కౌన్సిల్స్, పంచాయతీ సమితిలకు జరిగే ఎన్నికలను దృష్టిలో పెట్టుకుని వాఘ్‌పై సస్పెన్షన్‌ను ఎత్తేసినట్లు చెబుతున్నారు. ఉత్తర మహారాష్ట్రలో వాఘ్ ఎన్సీపికి ముఖ్యమైన నాయకుడని, ప్రచారానికి ఆయన అవసరం ఉందని, పార్టీ విస్తృత ప్రయోజనాలను దృష్టిలో పెట్టుకుని ఆయనపై సస్పెన్షన్‌ను ఎత్తేశామని పార్టీ నాయకులు చెబుతున్నట్లు ఓ ప్రముఖ వార్తా పత్రిక రాసింది.

English summary

Despite state home minister R R Patil's tall claims that his party will dissociate itself from persons facing serious criminal charges, state NCP president Madhukar Pichad on Wednesday revoked the suspension of controversial Jalgaon legislator Dilip Wagh, who was booked for raping a woman in the Nashik government guesthouse.