ఈనాడుపై జగన్ పార్టీ నేత, నటుడు విజయచందర్ ఫైర్

By Srinivas

Published: Monday, January 2, 2012, 17:25 [IST]

హైదరాబాద్: ఈనాడు కథనాలపై సినీ నటుడు, వైయస్సార్ కాంగ్రెసు పార్టీ నేత విజయ చందర్ సోమవారం తీవ్రస్థాయిలో విరుచుకు పడ్డారు. కుట్రలో భాగంగానే తనపై ఈనాడు అసత్య కథనాలు ప్రచురిస్తోందని ఆయన ఆవేదన వ్యక్తం చేశారు. ఆశ్రమాలు నిర్మించేందుకే తన భూమికి పక్కన ఉన్న ఇరవై నాలుగు ఎకరాల భూమిని కేటాయించాలని అప్పట్లో మెదక్ జిల్లా కలెక్టర్‌ను తాను కోరానన్నారు. అసైన్డ్ భూములు ఆక్రమించాల్సిన అవసరం తనకు ఏమాత్రం లేదన్నారు. తన జీవితంలో ఏ మంత్రిని, ఏ ప్రభుత్వ కార్యదర్శిని తన అవసరాల కోసం ఉపయోగించుకోలేదన్నారు.

కాగా మెదక్ జిల్లా ములుగు మండలం కర్కపట్ల గ్రామం సమీపంలోని కరుణామయుడు చారిటబుల్ ట్రస్ట్ పేరిట విజయ చందర్ పెద్ద ఎత్తున సేకరించిన అసైన్డ్ భూములను తిరిగి స్వాధీనం చేసుకునేందుకు అధికార యంత్రాంగం సన్నద్ధమవుతోందని ఈనాడు పత్రిక ప్రచురించింది. ఈ కథనంపై విజయ చందర్ స్పందించారు.

Published On January 2, 2012