రాంపూర్‌లో వెనుకంజలో జయప్రద, ఆజంఖాన్ లీడ్

By Pratap

Published: Tuesday, March 6, 2012, 10:44 [IST]

లక్నో: అమర్ సింగ్ నాయకత్వంలోని రాష్ట్రీయ లోక్‌మంచ్ తరఫున ఉత్తరప్రదేశ్‌లోని రాంపూర్ శాసనసభా నియోజకవర్గం నుంచి పోటీకి దిగిన సినీ నటి జయప్రద వెనకంజలో ఉన్నారు. ఆమె తన సమీప ప్రత్యర్థి సమాజ్‌వాదీ పార్టీ అభ్యర్థి ఆజంఖాన్ కన్నా వెనకబడి ఉన్నారు. ఆజంఖాన్‌ను ఓడించడమే లక్ష్యంగా జయప్రద రాంపూర్‌లో పోటీకి దిగారు. అయితే, ఆమె చరిష్మా రాంపూర్‌లో పని చేసినట్లు లేదు. పైగా, ఉత్తరప్రదేశ్‌లో ములాయం సింగ్ నేతృత్వంలోని సమాజ్‌వాదీ పార్టీ హవా కొనసాగుతోంది.

రాష్ట్రవ్యాప్తంగా సమాజ్‌వాదీ గాలి వీస్తున్న తరుణంలో ఆజంఖాన్‌పై జయప్రద గెలవడమనేది అంత సులభమైన విషయం కాదు. సమాజ్‌వాదీ పార్టీ నుంచి అమర్ సింగ్‌తో పాటు జయప్రద కూడా బయటకు రావాల్సిన పరిస్థితి ఏర్పడింది. ఆజంఖాన్‌పై జయప్రద గత లోకసభ ఎన్నికల నుంచే మండిపడుతున్నారు. వారిద్దరి మధ్య పచ్చగడ్డి వేస్తే భగ్గుమనే పరిస్థితి ఉంది.

Published On March 6, 2012