అబూతో లింక్స్ లేవు, విచారణకు రెడీ: మహారాష్ట్ర మంత్రి
ప్రభుత్వ వసతుల్లో చాలా మంది బస చేస్తారని, బస చేసే ప్రతి ఒక్కరూ ఎవరో ఏమిటో తనకు తెలియాల్సిన అవసరం లేదని ఆమె అన్నారు. ఈ వ్యవహారంలోకి తన పేరును ఎందుకు లాగారో తెలియడం లేదని, తనకు జుందాల్ తెలియదని ఆమె మంగళవారం మీడియా ప్రతినిధులతో అన్నారు. నిర్దోషినని నిరూపించుకోవడానికి తాను ఎటువంటి విచారణకైనా సిద్ధమని చెప్పారు.
ఉగ్రవాదులతో తనకు ఏ విధమైన సంబంధాలు లేవని ఆమె అన్నారు. మహారాష్ట్రలోని బీడ్ జిల్లాకు చెందిన జుందాల్ సౌదీ అరేబియాకు వెళ్లడానికి ముందు కొంత కాలం పాకిస్తాన్లో ఉన్నాడు. సౌదీ అరేబియాలో అతను టీచర్గా పనిచేస్తున్నాడు. ఖాన్ కూడా అదే ప్రాంతానికి చెందినవారు.
జుందాల్కు కనీసం పది మారు పేర్లున్నాయి. కరాచీలోని కంట్రోల్ రూంలో ఉండి, ముంబై దాడిలో పాల్గొన్న పది మంది ఉగ్రవాదులకు సూచనలు ఇచ్చిన ఆరుగురిలో జుందాల్ కూడా ఉన్నాడు. ముంబై దాడుల్లో 166 మంది మరణించారు. ఉగ్రవాదులకు జుందాల్ హిందీ మాట్లాడడం నేర్పించాడు. ఇండియన్ ముజాహిదీన్కు చెందిన జుందాల్ను ఢిల్లీలోని ఇందిరా గాంధీ అంతర్జాతీయ విమానాశ్రయంలో ఈ నెల 21వ తేదీన పోలీసులు అరెస్టు చేసినట్లు సోమవారం బయటి ప్రపంచానికి తెలిసింది.
Click it and Unblock the Notifications
Sign in with Google