స్వాగతిస్తాం కానీ: కెకె, సోనియాకు టి నిర్ణయాధికారం

By Srinivas

Updated: Friday, October 4, 2013, 12:57 [IST]

హైదరాబాద్/హైదరాబాద్: తెలంగాణపై యూపిఏ నిర్ణయాన్ని తాము స్వాగతిస్తున్నామని కానీ, పార్లమెంటులో బిల్లు పాసయ్యే వరకు తాము వేడుకలు చేసుకోమని తెలంగాణ రాష్ట్ర సమితి జాతీయ కార్యదర్శి కె కేశవ రావు మంగళవారం అన్నారు. రాష్ట్ర రాజధాని హైదరాబాదును ఎట్టి పరిస్థితుల్లో ఉమ్మడి రాజధానిగా అంగీకరించే ప్రసక్తి లేదన్నారు. బిల్లు ఆమోదం పొందాకనే తాము కాంగ్రెసు పార్టీని విశ్వసిస్తామని చెప్పారు.

నేతలతో చంద్రబాబు భేటీ

తెలంగాణపై కాంగ్రెసు పార్టీ నిర్ణయం వెలువడనున్న నేపథ్యంలో తెలుగుదేశం పార్టీ అధ్యక్షుడు నారా చంద్రబాబు నాయుడు అందుబాటులో ఉన్న పార్టీ నేతలతో భేటీ అయ్యారు. తెలంగాణ అంశంపై చర్చిస్తున్నారు.

సోనియాకు నిర్ణయాధికారం అప్పగింత

సిడబ్ల్యూసి భేటీకి సభ్యులతో పాటు ముఖ్యమంత్రి కిరణ్ కుమార్ రెడ్డి, ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ హాజరయ్యారు. వారికి సిడబ్ల్యూసి తీర్మానం ముసాయిదాను అందజేశారు. భేటీలో తెలంగాణపై ఏకగ్రీవ తీర్మానం చేసే అవకాశాలున్నాయి. తెలంగాణపై నిర్ణయాధికారాన్ని సభ్యులు సోనియా గాంధీకి అప్పజెప్పే అవకాశాలున్నాయి.