• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

త్రివిక్రమ్ శ్రీనివాస్ ను తిట్టింది నేనే: బండ్ల గణేష్

|
Google Oneindia TeluguNews

పవర్ స్టార్ పవన్ కల్యాణ్ వీరాభిమాని.. నిర్మాత, నటుడు బండ్ల గణేష్ మరోసారి వార్తల్లోకెక్కారు. ఈ ఏడాది ఫిబ్రవరి నెల చివరివారంలో రచయిత, దర్శకుడు త్రివిక్రమ్ శ్రీనివాస్ ను బండ్ల గణేష్ అసభ్య పదజాలంతో దూషించిన ఆడియో క్లిప్ వైరలైన సంగతి తెలిసిందే. అప్పట్లో ఆ గొంతు నాది కాదు అన్న బండ్ల తాజాగా ఒక ఛానల్ కు ఇచ్చిన ఇంటర్వ్యూలో ఆ గొంతు తనదేనని ఒప్పుకోవడంతోపాటు త్రివిక్రమ్ కు సారీ చెప్పినట్లు వెల్లడించారు. ఈ విషయంద్వారా ఆయన మరోసారి వార్తల్లోకెక్కారు.

స్థలం విషయంలో తలెత్తిన వివాదం

స్థలం విషయంలో తలెత్తిన వివాదం

ఎందుకు తిట్టారంటూ ఇంటర్వ్యూ చేసే వ్యక్తి ప్రశ్నించగా.. మనిషన్నాక కోపం రాదా? అని ప్రశ్నించాడు. భీమ్లానాయక్ సినిమాకు త్రివిక్రమ్ శ్రీనివాస్ తెరవెనక సహకారాన్ని అందించారు. తెలుగు సినీ పరిశ్రమలో పవన్ కల్యాణ్ అత్యంత సన్నిహితంగా ఉండేవారిలో బండ్ల గణేష్, త్రివిక్రమ్ శ్రీనివాస్ ముందు వరుసలో ఉంటారు. అటువంటిది వీరిద్దరి మధ్య పరిస్థితి ఎడముఖం.. పెడముఖం అన్నట్లుగా ఉంది. ఒక స్థలం విషయంలో ఇద్దరి మధ్యా వివాదం తలెత్తిందని బండ్ల సన్నిహితులు చెబుతుంటారు.

బండ్ల వస్తే ప్రచారం రాదన్న త్రివిక్రమ్?

బండ్ల వస్తే ప్రచారం రాదన్న త్రివిక్రమ్?


పవన్ కు గబ్బర్ సింగ్ సినిమాతో మంచి బ్లాక్ బస్టర్ హిట్ ను నటుడు, నిర్మాత బండ్ల గణేష్ అందించారు. భీమ్లానాయక్ ప్రి రిలీజ్ ఫంక్షన్ కు గణేష్ ను కూడా ఆహ్వానిస్తారని అందరూ అనుకున్నారు. కానీ చిత్రంగా గణేష్ కు ఆహ్వానం అందలేదు. దీనికి కారణం త్రివిక్రమ్ శ్రీనివాస్ అనేది బండ్ల అభిప్రాయంగా ఉంది. ఒకవేళ బండ్లను పిలిస్తే ఆ ఫంక్షన్ లో మాట్లాడిన మాటలు వైరలవుతాయని, దీనివల్ల చిత్రానికి రావాల్సిన ప్రచారం రాదని, మైనస్ గామారుతుందనే ఉద్దేశంతో గణేష్ ను పిలవలేదని చెబుతుంటారు.

వైసీపీవారితో త్రివిక్రమ్ కుమ్మక్కయాడు?

వైసీపీవారితో త్రివిక్రమ్ కుమ్మక్కయాడు?


గత ఫిబ్రవరి చివరివారంలో బయటకు వచ్చిన ఆడియోలో ఫోన్ చేసిన వ్యక్తి గణేష్ ను ఫంక్షన్ కు వెళుతున్నావా? అని అడుగుతాడు. ఇంకా ఆహ్వానం అందలేదని, డైలాగులు కూడా అద్భుతంగా రాసుకున్నానని, కానీ త్రివిక్రమ్ గాడు నన్ను రానివ్వకుండా చేయాలని చూస్తున్నాడు.. వైసీపీవారితో కుమ్మక్కయ్యాడు.. అని బదులివ్వగా.. పిలవకపోయినా వెళ్లొచ్చుగా అని ఎదురు వ్యక్తి ప్రశ్నిస్తాడు. పిలవకుండా వెళితే బాగోదని, వాడు డౌనవుతాడని నన్ను రావొద్దన్నాడంట.. అదే ఆలోచిస్తున్నాను అంటాడు. ఈ తరహా వ్యాఖ్యలతో బండ్ల గణేష్ నిత్యం వార్తల్లో నిలుస్తున్నాడు. అయితే బండ్ల గణేష్ తన నోటిని అదుపులో ఉంచుకోవాలని అందరూ హితవు పలుకుతున్నారు. వివాదాల జోలికి వెళ్లకుండా కొన్నాళ్లు సైలెంటుగా ఉండాలని సూచిస్తున్నారు.

English summary
Power star Pawan Kalyan is a big fan. Producer and actor Bandla Ganesh is in the news once again.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X