షాక్: కాంగ్రెస్ లీడర్ సి. రామచంద్రయ్యకు టిడిపి మెంబర్ షిప్

కడప జిల్లాలో టిడిపి సభ్యత్వాల్లో వింతలు చోటుచేసుకొన్నాయి. కాంగ్రెస్ పార్టీ సీనియర్ నాయకుడు సి.రామచంద్రయ్యకు టిడిపి సభ్యత్వాన్ని ఇచ్చారు. ఈ మేరకు ఆయనకు మెంబర్ షిప్ కార్డును కూడ జారీ చేశారు.

By Narsimha

Updated: Sunday, April 2, 2017, 7:23 [IST]

కడప:కడప జిల్లాలో టిడిపి సభ్యత్వాల్లో వింతలు చోటుచేసుకొన్నాయి. కాంగ్రెస్ పార్టీ సీనియర్ నాయకుడు సి.రామచంద్రయ్యకు టిడిపి సభ్యత్వాన్ని ఇచ్చారు. ఈ మేరకు ఆయనకు మెంబర్ షిప్ కార్డును కూడ జారీ చేశారు.

చాలాకాలంపాటు టిడిపిలో కొనసాగిన సి.రామచంద్రయ్య పిఆర్పీలో చేరారు. పిఆర్పీ నుండి కాంగ్రెస్ పార్టీలో చేరారు. ప్రస్తుతం ఆయన కాంగ్రెస్ పార్టీలోనే కొనసాగుతున్నారు.

కడప జిల్లాతో పాటు రాష్ట్ర రాజకీయాల్లో సి.రామచంద్రయ్య పేరు తెలియని వారుండరు.అయితే ప్రస్తుతం టిడిపి సంస్థాగత ఎన్నికలు జరుగుతున్నాయి.ఈ మేరకు సభ్యత్వ నమోదును నిర్వహిస్తున్నారు పార్టీ నాయకులు.

పార్టీ సభ్యత్వం తీసుకొన్న వారికి సభ్యత్వ నమోదు కార్డులను జారీ చేస్తారు.అయితే కాంగ్రెస్ పార్టీ సీనియర్ నాయకుడు రామచంద్రయ్య పేరుతో సభ్యత్వ నమోదు కార్డును జారీ చేసింది టిడిపి.రామచంద్రయ్య సోదరుడు టిడిపిలోనే కొనసాగుతున్నారు.

మరో వైపు వైసీపి కార్పోరేటర్ ఉషారాణి భర్త సూర్యనారాయణరావు ఆయన సోదరుడు ఆశ్వర్థనారాయణకు కూడ టిడిపి సభ్యత్వకార్డులు జారీ అయ్యాయి.

అయితే తాము సభ్యత్వాన్ని నమోదు చేసుకోకున్నా ఎలా సభ్యత్వ కార్డులను జారీ చేశారనే విషయమై వారు ఆశ్చర్యపోతున్నారు.