Chiranjeevi: వరుణ్ తేజ్, లావణ్య త్రిపాఠి.. మీదో అద్భుతమైన జోడీ; మెగాస్టార్ ట్వీట్!!

మెగా ప్రిన్స్ వరుణ్ తేజ్, లావణ్య త్రిపాఠి ల ఎంగేజ్మెంట్ నిన్న రాత్రి నాగబాబు ఇంట్లో ఘనంగా జరిగింది. అత్యంత సన్నిహితులు మాత్రమే ఎంగేజ్మెంట్ వేడుకకు హాజరయ్యారు. మెగాస్టార్ చిరంజీవి కుటుంబమంతా వరుణ్ తేజ ఎంగేజ్మెంట్ లో సందడి చేశారు. ఈ వేడుకకు పలువురు సినీ, రాజకీయ ప్రముఖులు హాజరై కాబోయే దంపతులను ఆశీర్వదించారు.

ఇక ఈ వేడుకల్లో చిరంజీవి, ఆయన సతీమణి సురేఖ సమక్షంలో లావణ్య త్రిపాఠీ వరుణ్ ఎంగేజ్మెంట్ జరిగింది. వరుణ్ తేజ్ పెదనాన్న చిరంజీవి, పెద్దమ్మ సురేఖల సమక్షంలో వరుణ్ తేజ్ లావణ్య త్రిపాఠి కి ఎంగేజ్మెంట్ రింగ్ తొడిగాడు. ఇక ఆ ఫోటోలను ట్విట్టర్లో ట్వీట్ చేసి అందరితో పంచుకున్న మెగాస్టార్ చిరంజీవి వారికి సోషల్ మీడియా వేదికగా శుభాకాంక్షలు తెలిపారు.

వరుణ్ తేజ్ లావణ్య త్రిపాఠి లకు ఎంగేజ్మెంట్ శుభాకాంక్షలు తెలిపిన చిరంజీవి, మీ ఇద్దరిదీ ఒక అద్భుతమైన జోడీ అంటూ కొనియాడారు. మీరు ప్రేమానుబంధాలతో, సంతోషంగా జీవించాలని, మీ భవిష్యత్తు ఆనందంగా ఉండాలి అని ఆకాంక్షిస్తున్నాను అంటూ మెగాస్టార్ చిరంజీవి ట్వీట్ చేశారు. ఆ ట్వీట్ లో వరుణ్ తేజ్, లావణ్య త్రిపాఠి ల ఎంగేజ్మెంట్ ఫోటోలను చిరంజీవి షేర్ చేశారు.

ఇక మరోవైపు నాగబాబు కుమార్తె నిహారిక కొణిదెల కూడా సోషల్ మీడియా వేదికగా పోస్ట్ పెట్టారు. అన్నయ్య.. ఎంతో కాలం నుంచి ఈ రోజు కోసం ఎదురు చూస్తున్నా.. వెల్కమ్ టు ది ఫ్యామిలీ వదిన అంటూ నిహారిక అన్న, వదిన వరుణ్ తేజ్ లావణ్య త్రిపాఠి ల ఫోటోలను పోస్ట్ చేసింది.

Hearty Congratulations and Blessings to @IAmVarunTej & @Itslavanya on your engagement! You will make a wonderful couple!!

May you both be showered by all the love and happiness and have a blissful life ahead! 💐💐 🤗 pic.twitter.com/4pYjD69hue

— Chiranjeevi Konidela (@KChiruTweets) June 10, 2023

ఇక ఎంగేజ్మెంట్ కి హాజరైన అల్లు అర్జున్, అల్లు శిరీష్, అల్లు అరవింద్, పవన్ కళ్యాణ్, రామ్ చరణ్ తేజ్, వైష్ణవ్ తేజ్, సాయి ధరమ్ తేజ్ ఎంగేజ్మెంట్ చేసుకొని త్వరలో జీవిత భాగస్వాములు కాబోతున్న జంటకు శుభాకాంక్షలు తెలిపారు. వరుణ్ తేజ్, లావణ్య త్రిపాఠి ల ఎంగేజ్మెంట్ తో మెగా ఫ్యామిలీలో మరో పెళ్లి సందడి మొదలైంది. ఇక మెగా ఫ్యాన్స్ సోషల్ మీడియాలో తెగ సందడి చేస్తున్నారు.

English summary

Chiranjeevi congratulated Varun Tej and Lavanya Tripathi on their engagement and praised both of you as a wonderful couple.