చిరంజీవి గుప్పిట్లో 'బింబిసార2'.. ఆగ్రహంగా కల్యాణ్ రామ్?
కల్యాణ్ రామ్ కెరీర్ లోనే బింబిసార సినిమా అత్యంత భారీ విజయాన్ని సాధించింది. నూతన దర్శకుడు వశిష్ట దీన్ని తెరకెక్కించారు. త్వరలోనే వీరిద్దరి కాంబినేషన్ లో బింబిసార్ 2 రాబోతోందంటూ వార్తలు వస్తున్నాయి. ఈ రెండో భాగం కోసం జీ సినిమా దాదాపు రూ.100 కోట్ల ఆఫర్ ఇచ్చినట్లు తెలుస్తోంది. వీలైనంత త్వరగా రెండో భాగాన్ని సిద్ధం చేసి విడుదల చేయాలంటూ కల్యాణ్ రామ్ భావిస్తున్నాడు. అయితే ఈ ప్రాజెక్టు చేసేందుకు వశిష్ట ఆసక్తి చూపడంలేదని తెలుస్తోంది.
ఈ దర్శకుడు మెగాస్టార్ చిరంజీవికి స్క్రిప్ట్ చెప్పి ఆయనను ఒప్పించాడు. ఇది ఒక ఫాంటసీ సినిమా అని తెలుస్తోంది. చిరంజీవి ప్రాజెక్ట్ కనుక ఓకే అయితే రామ్ చరణ్ని డైరెక్ట్ చేసే అవకాశం వస్తుంది. వశిష్ట తన రెండో చిత్రాన్ని ఎన్టీఆర్ ఆర్ట్స్ తో కాకుండా మరో ప్రొడక్షన్ హౌస్ తో చేస్తే తన రెండో ప్రాజెక్ట్ రెమ్యునరేషన్లో 40% వదులుకోవాలని ఒప్పందంపై సంతకం చేశాడు. చిరంజీవి సినిమా ఆయనకు భారీ అవకాశం కావడంతో అటువైపే మొగ్గుచూపుతున్నాడు. కల్యాణ్ రామ్ తో మరోసారి సినిమా అంటే ముందు దానిపై హైప్ తీసుకురావాలి. భవిష్యత్తులో ఎన్టీఆర్ ఆర్ట్స్ కి సినిమా చేస్తాననే ధీమాతో వశిష్ట ఉన్నాడు.
అయితే కల్యాణ్ రామ్ దీనికి సిద్ధంగా లేడని తెలుస్తోంది. ఈ సమస్య పరిష్కారం కాకుండా చిరంజీవి, వశిష్ట సినిమా ప్రారంభమయ్యే అవకాశం లేదు. వశిష్ట నిర్ణయంపై కల్యాణ్ రామ్ ఆగ్రహంగా ఉన్నట్లు తెలుస్తోంది. అతనికి తానిచ్చిన ప్యాడింగ్ వల్లే బింబిసార మంచి విజయం సాధించిందని, అతను ప్రాజెక్టులో లేకపోయినా బింబిసార్ 2 జరుగుతుందని స్పష్టం చేసినట్లు తెలుస్తోంది. ఈ సినిమాను తెరకెక్కించడానికి రొమాంటిక్ సినిమా దర్శకుడు అనిల్ పాదూరిని కల్యాణ్ రామ్ సంప్రదించినట్లు సమాచారం. ఈ వార్తలో ఎంత నిజముందో అనే విషయం తెలియాల్సి ఉంది.
Click it and Unblock the Notifications
Sign in with Google