బయటపడ్డ జనసేన నేత బాగోతం .. యువతులతో అశ్లీల నృత్యాలు

తూర్పుగోదావరి జిల్లా నల్లజర్ల మండలం ఘంటవారిగూడెం గ్రామంలో జరిగిన ఒక పుట్టినరోజు వేడుకలో అశ్లీల నృత్యాలు, రేవ్ పార్టీ కలకలం సృష్టించాయి. ఈ ఘటనలో పోలీసులు 23 మంది యువకులను, ముగ్గురు యువతులను అదుపులోకి తీసుకున్నారు.

జనసేన నాయకుడు బర్త్‌డే వేడుకల్లో అశ్లీలం
జనసేన నాయకుడు వెజ్జే సుబ్బారావు పుట్టినరోజు సందర్భంగా ఈ రేవ్ పార్టీని ఏర్పాటు చేసినట్లు తెలుస్తోంది. పార్టీలో యువతులతో అశ్లీల నృత్యాలు చేయించినట్లు పోలీసులకు పక్కా సమాచారం అందింది. దీంతో పోలీసులు ఆ ప్రదేశంపై మెరుపుదాడి చేశారు. ఈ దాడిలో మొత్తం 26 మందిని (23 మంది యువకులు, 3 యువతులు) అరెస్ట్ చేశారు.

పోలీసుల స్వాధీనం
పోలీసులు ఘటనా స్థలం నుంచి 7 కార్లు, రూ. 10 వేల నగదు, 3 విస్కీ బాటిళ్లు, 20 ఫోన్లను స్వాధీనం చేసుకున్నారు. అరెస్టయిన వారిపై చట్టపరమైన చర్యలు తీసుకున్నారు. ఈ ఘటనపై కేసు నమోదు చేసి, దర్యాప్తు కొనసాగిస్తున్నారు. ఈ సంఘటన తూర్పుగోదావరి జిల్లాలో తీవ్ర చర్చకు దారితీసింది. రాజకీయ నాయకుల ఆధ్వర్యంలో ఇటువంటి అసాంఘిక కార్యకలాపాలు జరగడంపై ప్రజలు ఆందోళన వ్యక్తం చేస్తున్నారు. ఈ ఘటనలో ఇంకా ఎవరైనా ఉన్నారా అనే కోణంలో పోలీసులు దర్యాప్తు చేస్తున్నారు.

English summary

A rave party in East Godavari's Ghantavarigudem has become a major scandal. The incident, which took place during the birthday celebration of Janasena leader Vejje Subbarao, involved obscene dances.