భక్తులకు TTD అరుదైన అవకాశం - ఒక్క క్లిక్ తో నేరుగా ఇక ఇంటి వద్దకే..!!

Tirumala: తిరుమలలో భక్తుల రద్దీ కొనసాగుతోంది. ఈ నెల 30వ తేదీ వైకుంఠ ఏకాదశి వేళ టీటీడీ ప్రత్యేక ఏర్పాట్లు చేస్తోంది. ఇప్పటికే ఆన్ లైన్ లో టికెట్లను జారీ చేసారు. సాధారణ భక్తులకు ప్రాధాన్యత ఇస్తామని టీటీడీ చెబుతోంది. కమాండ్ కంట్రోల్ సెంటర్ ద్వారా భక్తుల రద్దీని గమనిస్తూ... అవసరమైన నిర్ణయాలు తీసుకుంటున్నారు. ప్రత్యేక పర్విదినాల కారణంగా బ్రేక్ దర్శనాలను రద్దు చేసారు. కాగా.. శ్రీవారి భక్తుల కోసం టీటీడీ కీలక నిర్ణయం వెల్లడించింది.

కొత్త ఏడాది ప్రారంభం వేళ భక్తులకు టీటీడీ కీలక అప్డేట్ ఇచ్చింది. శ్రీవారి భక్తుల సౌకర్యార్థం టీటీడీ 2026 సంవత్సర క్యాలెండర్లు, డైరీలను ఆఫ్ లైన్ లో ఎంపిక చేసిన ప్రాంతాలలోనూ, టిటిడి వెబ్ సైట్ ద్వారా ఆన్ లైన్ లో భక్తులకు విక్రయిస్తోంది. 2026 సంవత్సరానికి సంబంధించి 12- పేజీలు, 6- పేజీలు, టేబుల్-టాప్-క్యాలెండర్‌లు, డీలెక్స్ డైరీలు, చిన్న డైరీలను, శ్రీవేంకటేశ్వర స్వామి, శ్రీపద్మావతి అమ్మవారి పెద్దసైజు, శ్రీవారి, శ్రీపద్మావతి అమ్మవారు ఇరువురు ఉన్న కేలండర్లను టిటిడి అందుబాటులో ఉంచింది. ముఖ్యంగా తిరుమల, తిరుపతిలోని టిటిడి పరిపాలనా భవనం ఎదురుగా సేల్స్ సెంటర్, శ్రీ గోవిందరాజ స్వామి వారి ఆలయం సమీపంలోని ధ్యానమందిరం, శ్రీనివాసం, విష్ణునివాసం ప్రాంతాల్లోనూ, తిరుచానూరులో ఉన్న టిటిడి పబ్లికేషన్ స్టాల్స్‌లలో అందుబాటులో ఉన్నాయి.

అదే విధంగా విజయవాడ, విశాఖపట్నం, చెన్నై, హైదరాబాద్ లోని హిమయత్ నగర్ లోని ఎస్వీ ఆలయం, జూబ్లీహిల్స్ లోని ఎస్వీ ఆలయం, బెంగళూరు, న్యూఢిల్లీ, ముంబై, వేలూరులతో పాటు రాజమండ్రి, కర్నూలు, కాకినాడ, నెల్లూరులోని కళ్యాణమండపాల్లో 2026 సంవత్సరం క్యాలెండర్‌లు, డైరీలను భక్తులకు అందుబాటులో ఉంచింది. టిటిడి వెబ్ సైట్ ద్వారా ఆన్ లైన్ లో బుకింగ్ చేసుకున్న వారికి పోస్టల్ డిపార్ట్మెంట్ ద్వారా వారి ఇంటి వద్దే టిటిడి డైరీలు, క్యాలండర్లను పొందే సౌలభ్యం కల్పించారు. టిటిడి క్యాలెండర్ లు, డైరీలను టిటిడి వెబ్ సైట్ ద్వారా (www.tirumala.org, ttdevasthanams.ap.gov.in) ఆన్ లైన్ లో పొందవచ్చు. డిడి తీసి పంపినా పొందవచ్చని సూచించారు.రవాణా ఛార్జీలను అదనంగా తపాలా శాఖకు చెల్లించాల్సి ఉంటుంది. క్యాలెండర్‌, డైరీలకు సంబంధించిన ఇతర సమాచారం కోసం 0877-2264209 నంబర్లలో సంప్రదించవచ్చు.

English summary

The 2026 calendars and diaries printed by TTD have been receiving an overwhelming response from the devotees