కారులో వచ్చి తల్లిని నెట్టేసి యువతి అపహరణ

ఒంగోలు: ప్రకాశం జిల్లాలోని మార్కపురంలో షారోన్ అనే యువతిని కొందరు గుర్తు తెలియని వ్యక్తులు కిడ్నాప్ చేశారు. తల్లిదండ్రుల ఫిర్యాదు మేరకు కేసు నమోదు చేసిన పోలీసులు కిడ్నాపర్లను పట్టుకునేందుకు ప్రత్యేక పోలీసు పార్టీలు రంగంలోకి దిగాయి.

త్రిపురాంతకం మండల కేంద్రానికి చెందిన వైద్య విద్యార్థిని షారోన్ బుధవారం మధ్యాహ్నం తన తల్లితో కలిసి ఆస్పత్రికి వచ్చిన సమయంలో నలుగురు వ్యక్తులు కారులో వచ్చి తల్లిని పక్కకు నెట్టి షారోన్‌ను బలవంతంగా కారులో ఎక్కించుకుని పరారైనట్లు తెలుస్తోంది. తల్లి ఫిర్యాదు మేరకు పోలీసులు కేసును దర్యాప్తు చేపట్టారు.

శ్రావణి వైద్యశాల సమీపంలో ఈ సంఘటన చోటు చేసుకుంది. త్రిపురాంతకం మండల కేంద్రానికి చెందిన జ్ఝానమ్మ తన కూతురు షారోన్ దినకర్‌కు ఆరోగ్యం సరిగా లేకపోవడంతో బుధవారం ఆస్పత్రిలో చూపించడానికి మార్కాపురం వచ్చింది.

బస్సు దిగి వైద్యశాలకు వెళ్తున్న సమయంలో ఇండికా కారులో నుంచి దిగిన నలుగురు యువకులు జ్ఞానమ్మను పక్కకు నెట్టేసి 24 ఏళ్ల షారోన్‌ను ఎత్తుకుపోయారు.

English summary

A 24 year old girl Sharon Dinakar has been kidnapped by four unidentified persons at Markapur in Prakasam district.