బ్రహ్మ పదార్థంపై గురి పెట్టిన ఇస్రో

ISRO: భారత అంతరిక్ష పరిశోధనా సంస్థ.. ఇస్రో మరో సరికొత్త ప్రయోగానికి పూనుకుంది. చంద్రయాన్ 3, ఆదిత్య ఎల్1 మిషన్లు సాధించిన విజయాలతో దూకుడు మీద ఉన్న ఇస్రో.. ఎక్స్‌రే పొలారీమీటర్ శాటిలైట్‌ను నింగిలోకి పంపించనుంది. కొత్త సంవత్సరం తొలి రోజే కీలక ప్రాజెక్ట్‌ను చేపట్టింది.

ఈ ఉదయం 9:10 నిమిషాలకు ఈ శాటిలైట్‌‌ను మోసుకుంటూ పీఎస్ఎల్వీ- సీ58 రాకెట్.. నింగిలోకి దూసుకెళ్లనుంది. తిరుపతి జిల్లాలోని శ్రీహరికోటలో గల సతీష్ ధవన్ అంతరిక్ష ప్రయోగ కేంద్రం నుంచి ఈ రాకెట్‌ను అంతరిక్షంలోకి పంపించడానికి ఏర్పాట్లన్నింటినీ పూర్తి చేసింది ఇస్రో.

ఇస్రో చరిత్రలో ఇది 60వ ప్రయోగం. ఈ రాకెట్ విజయవంతం కావాలంటూ ఇస్రో ఛైర్మన్ ఎస్ సోమనాథ్.. సూళ్లూరుపేటలోని చెంగాళమ్మ ఆలయాన్ని సందర్శించారు. రాకెట్ డిజైన్‌ను అమ్మవారి పాదాల వద్ద ఉంచి ప్రత్యేక పూజలు చేశారు. అంతకుముందు- ఇస్రో శాస్త్రవేత్తలు తిరుమల శ్రీవారినీ దర్శించుకున్నారు.

అంతుచిక్కని బ్లాక్ హోల్స్, న్యూట్రాన్ నక్షత్రాలను అధ్యయనం చేయడానికి ఉద్దేశించిన ప్రాజెక్ట్ ఇది. ఈ రెండింటిపైనా అధ్యయనం చేయడానికి పూనుకున్న రెండో దేశం.. భారత్. బ్లాక్ హోల్స్‌, న్యూట్రాన్ నక్షత్రాలపై అధ్యయనం చేయడానికి ఇదివరకు అమెరికా శాటిలైట్‌ను పంపించింది.

బ్లాక్ హోల్స్ నుంచి వెలువడే రేడియేషన్లను గుర్తించడం, అంతరిక్షంలో వారి కదలికలను పసిగట్టడం, ఇతరత్రా అంశాలపై డేటాను సేకరిస్తుంది ఈ శాటిలైట్. ఎక్స్‌పోశాట్‌ ఉపగ్రహంతో పాటు పీఎస్ఎల్వీ ఆర్బిటల్ ఎక్స్‌పెరిమెంటల్ మాడ్యూల్‌ను కూడా పేలోడ్‌గా అంతరిక్షంలోకి పంపించనుంది ఇస్రో.

🚀 PSLV-C58/ 🛰️ XPoSat Mission:
The launch of the X-Ray Polarimeter Satellite (XPoSat) is set for January 1, 2024, at 09:10 Hrs. IST from the first launch-pad, SDSC-SHAR, Sriharikota.https://t.co/gWMWX8N6Iv

The launch can be viewed LIVE
from 08:40 Hrs. IST on
YouTube:… pic.twitter.com/g4tUArJ0Ea

— ISRO (@isro) December 31, 2023

English summary

The launch of the X-Ray Polarimeter Satellite (XPoSat) is set for today at 09:10 am from the first launch-pad, SDSC-SHAR, Sriharikota in Andhra Pradesh.