వారసుడి ఎంట్రీకి బాలయ్య పక్కా ప్లాన్

అభిమానులు ఎదురుచూస్తున్న కొద్దీ నందమూరి బాలకృష్ణ తనయుడు మోక్షజ్ఞ సినీ రంగ ప్రవేశం గురించి రకరకాల వార్తలు చక్కర్లు కొడుతున్నాయి. ముందుగా పూరీ జగన్నాథ్ పేరు వినిపించింది. ఆ తర్వాత బోయపాటి శ్రీను పేరు బయటకు వచ్చింది. అయితే ఫలానా సమయంలో ఫలానా సినిమాద్వారా పరిచయం చేయబోతున్నామనే స్పష్టమైన విషయం మాత్రం బయటకు రావడంలేదు.

అమెరికాలో తెలుగువారి వేడుకలకు ఇటీవలే అక్కడకు వెళ్లిన బాలకృష్ణ అభిమానుల ఒత్తిడి మేరకు కొన్ని వివరాలు తెలియజేసినట్లు సమాచారం. వచ్చే సంవత్సరం తన దర్శకత్వంలోనే ఆదిత్య 369 చిత్రానికి సీక్వెల్ ప్రారంభిస్తామని, అందులో తనతోపాటు తన కుమారుడు మోక్షజ్ఞకి కూడా సమానమైన పాత్ర ఉంటుందని చెప్పారంట. అయితే హీరోగా పరిచేయాలికానీ ఇలా ఇంకొకరితో పాత్రను పంచుకోవడం ఏమిటనే సందేహం అందరికీ వచ్చింది. అయితే దానికి ఒక ప్రత్యేకమైన కారణం ఉన్నట్లు తెలుస్తోంది.

బాలకృష్ణ తొలిసారిగా తాతమ్మకల చిత్రంలో నటించారు. ఈ చిత్రానికి ఆయన తండ్రి ఎన్టీఆరే దర్శకుడు. ఆ సెంటిమెంట్ వర్కౌటై క్రమంగా బాలకృష్ణ అగ్ర కథానాయకుడిగా మారారు. కెరీర్ తొలిరోజుల్లేనే బాలకృష్ణ సీనియర్ ఎన్టీఆర్ దర్శకత్వంలో కొన్ని సినిమాలను చేశారు. ఇక్కడ కూడా అది రిపీట్ చేయాలని భావిస్తున్నారు. తన దర్శకత్వంలో తన కుమారుడి మొదటి సినిమా ఉండాలని, తర్వాత అంతా కలిసివస్తుందని బాలయ్య భావిస్తున్నట్లు తెలుస్తోంది. ఈ లెక్కన మోక్షజ్ఞని 2025లోనే స్క్రీన్ మీద చూసేదని స్పష్టత వస్తోంది. ఆదిత్య 999కు కథ సిద్ధంగానే ఉందని, మొదటి పార్ట్ తీసిన దర్శకుడు సింగీతం శ్రీనివాసరావు దగ్గర నుంచి సలహాలు, సూచనలు తీసుకొని పూర్తి స్క్రిప్ట్ ని సిద్ధం చేసే పనిని బాలకృష్ణ త్వరలోనే మొదలుపెట్టబోతున్నారు.

English summary

While the fans are waiting, various news about Nandamuri Balakrishna's son Mokshajna's film debut are doing the rounds.