మళ్లీ రెచ్చిపోయిన బాలయ్య: నంద్యాలలో అభిమాని చెంప చెళ్లు..(వీడియో)
దండ వేసి ఫోటో దిగాలని ఆయన వద్దకు ఉత్సాహంగా వచ్చిన అభిమానిపై చేయి చేసుకున్నారు.
నంద్యాల: టీడీపీ ఎమ్మెల్యే బాలకృష్ణ చేతివాటానికి అభిమానులు బలైపోతూనే ఉన్నారు. ఇటీవల షూటింగ్ లొకేషన్లో అసిస్టెంట్పై ఆయన చేయి చేసుకున్న ఘటన మరవకముందే.. మరో అభిమాని చెంప చెళ్లమన్నది.
గతంలో ఇద్దరు, ముగ్గురు అభిమానుల పట్ల కూడా ఇదే రీతిలో వ్యవహరించిన బాలయ్య ఈ ఘటనతో మరోసారి విమర్శల్లో నిలిచారు.
బుధవారం నంద్యాల ఉపఎన్నిక ప్రచార పర్వాన్ని ముగించుకుని.. లాడ్జీ వద్దకు వచ్చిన సమయంలో ఓ అభిమానిపై బాలకృష్ణ చేయి చేసుకున్నారు. రాత్రి బస కోసం బాలకృష్ణ లాడ్జీ వద్దకు రాగా.. ఆయన్ను చూసేందుకు అభిమానులు తరలి వచ్చారు. ఆ సమయంలో అభిమాని ఒకరు దండవేసి బాలకృష్ణతో ఫోటో దిగాలని ఆశపడ్డాడు.
కానీ ఉత్సాహంగా వచ్చిన అభిమానిని బాలకృష్ణ నిరాశపరచడమే కాకుండా అతనిపై చేయి చేసుకుని తన దురుసుతనాన్ని మరోసారి బయటపెట్టుకున్నాడు. అక్కడే ఉన్న పార్టీ ఎమ్మెల్యేలు బాలయ్య తీరు చూసి షాక్ తిన్నారు. టీడీపీ కార్యకర్తలు దీనికి సంబంధించిన వీడియోను ఇంటర్నెట్లో పెట్టడంతో.. ఎన్నికల వేళ ఇలాంటి విషయాలు పార్టీకి చేటు చేస్తాయని టీడీపీ ఆందోళన చెందుతోంది.
మరోవైపు అభిమానులు కూడా ఈ ఘటన పట్ల అసహనం వ్యక్తం చేస్తున్నారు. ఫోటో దిగడానికి నిరాకరిస్తే నిరాకరించారు గానీ ఆమాత్రం దానికి చేయి చేసుకోవమెందుకు అని ప్రశ్నిస్తున్నారు.
Click it and Unblock the Notifications
Sign in with Google