నారా లోకేశ్ ఫ్యామిలీతో ఫైనల్ సందడి: సచిన్తో ఫ్యాన్ బాయ్ మూమెంట్
క్రికెట్ అభిమానులకు పండుగ వాతావరణాన్ని అందించిన ఐసీసీ మహిళల క్రికెట్ ప్రపంచకప్ ఫైనల్ మ్యాచ్కు ఆంధ్రప్రదేశ్ మంత్రి నారా లోకేశ్ హాజరయ్యారు. కేవలం రాజకీయ నాయకుడిగానే కాకుండా, ఓ క్రికెట్ అభిమానిగా, తన కుటుంబంతో కలిసి ఈ చారిత్రక ఘట్టాన్ని వీక్షించేందుకు ఆయన నవీ ముంబైలోని డీవై పాటిల్ స్టేడియంలో సందడి చేశారు.
భారత మహిళల జట్టు తొలిసారి ప్రపంచకప్ టైటిల్ కోసం దక్షిణ ఆఫ్రికాతో తలపడుతున్న ఈ తుదిపోరును లోకేశ్ తన సతీమణి బ్రాహ్మణి, కుమారుడు దేవాన్ష్తో కలిసి ప్రత్యక్షంగా వీక్షించారు. భారత మహిళా జట్టుకు తమ సంపూర్ణ మద్దతు తెలుపుతూ, ఈ అద్భుతమైన ప్రయాణాన్ని వేడుక చేసుకున్నారు.
సోషల్ మీడియా వేదికగా లోకేశ్ తన ఆనందాన్ని ఇలా పంచుకున్నారు. "ఈ చారిత్రక క్షణాలను ప్రత్యక్షంగా చూసేందుకు బ్రాహ్మణి, దేవాన్ష్తో కలిసి నవీ ముంబైలో ఉన్నాను. భారత జట్టుకు మద్దతు ఇవ్వడం, మహిళల క్రికెట్ ఎదుగుదలను ప్రోత్సహించడం గర్వకారణం. స్టేడియంలోని వాతావరణం ఉత్సాహభరితంగా ఉంది. ఇలాంటి మధుర క్షణాలను కుటుంబంతో పంచుకోవడం, తర్వాతి తరానికి స్ఫూర్తినివ్వడం ఒక గొప్ప అనుభూతి" అంటూ నారా లోకేశ్ తన సోషల్ మీడియాలో పోస్ట్ చేశారు.
ఈ మ్యాచ్ సందర్భంగా నారా లోకేశ్కు ఓ అపురూపమైన మధురానుభూతి ఎదురైంది. క్రికెట్ దిగ్గజం, క్రికెట్ దేవుడు సచిన్ టెండూల్కర్ను ఆయన స్టేడియంలో కలుసుకున్నారు. ఈ అద్భుతమైన భేటీని లోకేశ్ ఫ్యాన్ బాయ్ మూమెంట్గా అభివర్ణించారు.సచిన్ టెండూల్కర్ గురించి విన్న వినయం, ఆప్యాయత నిజమని స్వయంగా అనుభవించడం నా అదృష్టం. ఆయన తరతరాలకు స్ఫూర్తినిచ్చిన గొప్ప క్రీడాకారుడే కాకుండా, అంతకంటే గొప్ప మానవతావాది అని సచిన్ గురించి నారా లోకేశ్ అభివర్ణించారు.
#INDWvsSAW #WomenInBlue #CWC25
— Lokesh Nara (@naralokesh) November 2, 2025
Thrilled to witness history in the making at the ICC Women’s Cricket World Cup Final in Navi Mumbai with Brahmani and Devaansh. We are proud to cheer on Team India and celebrate the rise of women’s cricket! Electric atmosphere at DY Patil as… pic.twitter.com/9Bp9BdRtk4
ఒకే వేదికపై రాజకీయ ప్రముఖులు, క్రికెట్ దిగ్గజాలు కలవడం, ముఖ్యంగా ఒక ముఖ్యమైన ప్రపంచ కప్ ఫైనల్కు మద్దతుగా నిలవడం అభిమానులను ఎంతగానో ఆకట్టుకుంది. లోకేశ్ దంపతులు ఈ సందర్భంగా ఐసీసీ చైర్మన్ జై షాను, ఆయన మాతృమూర్తిని కూడా కలిశారు. లోకేశ్ తన కుటుంబంతో కలిసి భారత మహిళల జట్టుకు మద్దతు ఇచ్చిన అద్భుతమైన ఫొటోలు సోషల్ మీడియాలో వైరల్ అవుతున్నాయి.
Click it and Unblock the Notifications
Sign in with Google