ఖైదీ నెంబర్ 150, గౌతమిపుత్ర శాతకర్ణి: ఆ షోలకు అనుమతి లేదు!

చిరంజీవి నటించిన ఖైదీ నెంబర్ 150, బాలకృష్ణ నటించిన గౌతమీపుత్ర శాతకర్ణి బెనిఫిట్ షోలకు అనుమతి లేదని పోలీసులు చెప్పారు.

విజయవాడ: చిరంజీవి నటించిన ఖైదీ నెంబర్ 150, బాలకృష్ణ నటించిన గౌతమీపుత్ర శాతకర్ణి బెనిఫిట్ షోలకు అనుమతి లేదని పోలీసులు చెప్పారు. అర్ధరాత్రి సినిమాల వల్ల ట్రాఫిక్ సమస్యలు వస్తాయని పోలీసులు అంటున్నారు. తెల్లవారుజామున నాలుగు గంటల నుంచి బెనిఫిట్ షోలకు అనుమతిచ్చారు.

సుదీర్ఘ విరామం అనంతరం.. అంటే దాదాపు పదేళ్ల తర్వాత చిరంజీవి సినిమా (రేపు) బుధవారం నాడు విడుదలవుతోంది. ఆ మరుసటి రోజు బాలయ్య నటించిన చారిత్రాత్మక సినిమా గౌతమీపుత్ర శాతకర్ణి విడుదలవుతోంది.

కాగా, ఖైధీ నెం 150, గౌతమిపుత్ర శాతర్ణి టికెట్ల కోసం అభిమానులు థియేటర్ల వద్ద పెద్ద ఎత్తున వరుస కడుతున్నారు. టికెట్లు అమ్ముడయ్యాయంటూ థియేటర్ల యాజమాన్యాలు చెబుతున్నాయి. ఈ రెండు సినిమాల టిక్కెట్లు పోలీస్ స్టేషన్లకు వెళ్తున్నాయనే ఆరోపణలు కూడా వస్తున్నాయని అంటున్నారు.

English summary

No benefit shows for Chiranjeevi and Balakrishna films!