వ్యూహం టీజర్ రిలీజ్ డేట్ అండ్ టైమ్ను చంద్రబాబు నోటితో చెప్పించిన ఆర్జీవీ
అమరావతి: రామ్ గోపాల్ వర్మ దర్శకత్వంలో రాబోతోన్న లేటెస్ట్ మూవీ.. వ్యూహం. ఏపీలో నెలకొన్న రాజకీయ పరిణామాలను కథాంశంగా చేసుకుని తెరకెక్కుతోందీ సినిమా. దాసరి కిరణ్ కుమార్ ఈ సినిమాను నిర్మిస్తోన్నారు. ఇదివరకు వంగవీటి సినిమాను నిర్మించింది ఆయనే. ఇటీవలే ఈ సినిమాలో నటిస్తోన్న పాత్రధారుల ఫొటోలను రామ్ గోపాల్ వర్మ విడుదల చేశఆరు.
ముఖ్యమంత్రి వైఎస్ జగన్మోహన్రెడ్డి, ఆయన భార్య భారతిరెడ్డి పాత్రల ఫొటోలను రిలీజ్ చేశారు. వైఎస్ జగన్ పాత్రను తమిళనటుడు అజ్మల్ పోషిస్తోన్నాడు. వైఎస్ భారతి క్యారెక్టర్లో మానస రాధాకృష్ణన్ నటిస్తోన్నారు. దీని తరువాత వ్యూహం సినిమాకు సంబంధించిన పలు వర్కింగ్ స్టిల్స్ను రామ్ గోపాల్ వర్మ.. తన అధికారిక ట్విట్టర్ అకౌంట్లో పోస్ట్ చేస్తూ వచ్చారు.
తెలుగుదేశం పార్టీ అధినేత, ప్రతిపక్ష నాయకుడు చంద్రబాబు నాయుడి వర్కింగ్ స్టిల్ కూడా ఇటీవలే బయటికొచ్చింది. దీన్ని రామ్ గోపాల్ వర్మ ట్విట్టర్ అకౌంట్లో పోస్ట్ చేశారు. ఎ క్యారెక్టర్ ఫ్రమ్ వ్యూహం అంటూ క్యాప్షన్ను జోడించారు. ఈ ఫొటోలో కనిపించిన నటుడి గెటప్ మొత్తం చంద్రబాబును పోలి ఉంది. రెండు పార్టులుగా వ్యూహం సినిమాను తీసే అవకాశాలు ఉన్నట్లు తెలుస్తోంది.
తొలి పార్ట్లో వైఎస్ రాజశేఖర్ రెడ్డి హఠాన్మరణం, అనంతరం చోటు చేసుకున్న రాజకీయ పరిణామాలు, ఓదార్పుయాత్ర, కాంగ్రెస్ పార్టీకి రాజీనామా చేయడం, కడప లోక్సభ ఉప ఎన్నికలో రికార్డుస్థాయి మెజారిటీతో ఘన విజయం సాధించడం, అనంతరం ఆయనపై ప్రత్యర్థి పార్టీలు బనాయించిన అక్రమ కేసుల వ్యవహారం, వైఎస్ఆర్ కాంగ్రెస్ పార్టీ ఆవిర్భావం వంటి అంశాలు ఉండబోతోన్నాయి.
రెండో పార్ట్లో 2014 తరువాతి రాజకీయ పరిణామాలు ఉంటాయని తెలుస్తోంది. ప్రతిపక్ష నేతగా వైఎస్ జగన్ అసెంబ్లీలో అప్పటి చంద్రబాబు ప్రభుత్వంపై పోరాడిన తీరు, మైక్ ఇవ్వకుండా ఇబ్బందులకు గురి చేయడం, మహా ప్రస్థానం పాదయాత్రకు దారి తీసిన పరిణామాలను రెండో పార్ట్లో రామ్ గోపాల్ వర్మ చిత్రీకరించనున్నారు.
Thank you sir @ncbn gaaru for your kind gesture on VYOOHAM teaser release 🙏🙏🙏💃💃💃💐💐💐 pic.twitter.com/pdaNwy4ug8
— Ram Gopal Varma (@RGVzoomin) June 23, 2023
2019 ఎన్నికల్లో జగన్ సాధించిన తిరుగులేని విజయం, వైఎస్ఆర్సీపీ అధికారంలోకి వచ్చిన తరువాత ప్రభుత్వం సంక్షేమాభివృద్ధి పథకాల అమలు, వలంటీర్లు, సచివాలయ వ్యవస్థ, రైతు భరోసా కేంద్రాలు విలేజ్ క్లినక్స్ వంటి గ్రామీణ స్థాయిలో చోటు చేసుకున్న విప్లవాత్మక మార్పులను రామ్ గోపాల్ వర్మ రెండో పార్ట్లో తెరకెక్కించనున్నట్లు తెలుస్తోంది. 2024 అసెంబ్లీ ఎన్నికలకు ముందు రెండో పార్ట్ విడుదలవుతుందని చెబుతున్నారు.
ఈ మూవీ టీజర్.. శనివారం ఉదయం 11 గంటలకు విడుదల కానుంది. ఈ విషయాన్ని ఆర్జీవీ ఇదివరకే తన అధికారిక ట్విట్టర్ ద్వారా వెల్లడవించారు. తాజాగా- ఇదే విషయాన్ని చంద్రబాబు నోటితోనూ చెప్పించారాయన. రాజమండ్రిలో నిర్వహించిన తెలుగుదేశం మహానాడు వేదికపై చంద్రబాబు చేసిన ప్రసంగాన్ని మధ్యలో కట్ చేసి.. దీన్ని జోడించారు.
ఇంతవరకు నా మంచితనాన్ని చూశారు గానీ.. భవిష్యత్తులో నా వ్యూహాలన్నింటినీ వ్యూహం సినిమా ద్వారా మీరందరూ చూడబోతోన్నారు.. వ్యూహం టీజర్ రేప్పొద్దున 11 గంటలకు విడుదలవుతుందని చెప్పి ఈ సందర్భంగా మీ అందరికీ తెలియజేసుకుంటా ఉన్నాను.. అంటూ చంద్రబాబు మహానాడు వేదికపై నుంచి ప్రకటించినట్లు ఓ వీడియో క్లిప్ను రూపొందించారు ఆర్జీవీ. తన సినిమాను ప్రమోట్ చేస్తోన్నందుకు చంద్రబాబుకు థ్యాంక్స్ చెబుతున్నానంటూ ట్విస్ట్ ఇచ్చారాయన.
Click it and Unblock the Notifications
Sign in with Google