టిట్లీ తుఫాను సాయం, చంద్రబాబు ప్రచారంపై పవన్ కళ్యాణ్ బస్సు ఫోటో

అమరావతి: తెలుగుదేశం ప్రభుత్వం టిట్లీ తుఫాను బాధితులకు ఎంతో సాయం చేసినట్లుగా ప్రచారం చేసుకుంటోందని జనసేన అధినేత పవన్ కళ్యాణ్ సోమవారం తన సామాజిక అనుసంధాన వేదిక ట్విట్టర్‌‌లో పోస్ట్ చేశారు. బస్సు పైన ప్రభుత్వం చేసుకున్న ప్రచారానికి సంబంధించిన ఫోటోను పెట్టి తీవ్రస్థాయిలో మండిపడ్డారు.

శ్రీకాకుళం జిల్లాలోని తుఫాను బాధితులకు తెలుగుదేశం ప్రభుత్వం చేసిన సాయం పిసరంత అనీ కానీ ప్రచారం మాత్రం కొండంత అని పవన్ కళ్యాణ్ ఘాటుగా స్పందించారు. ప్రచారం ఎంత చేసుకుంటే ఏమిటని, చేసింది మాత్రం ఏదీ లేదని అభిప్రాయపడ్డారు. ఈ సందర్భంగా తనకు అబ్రహం లింకన్ చెప్పిన మాటలు గుర్తుకు వస్తున్నాయని చెబుతూ.. టిట్లీ తుఫాను బాధితులకు ఏపీ ప్రభుత్వం కొండంత అండ అంటూ బస్సు పైన పోస్టర్లతో ఉన్న ఫోటోను పోస్ట్ చేశారు.

TDP Govt,help for Titli victims is peanuts,but publicity !! .. the size of an Everest!!!
This reminds me of a quote of Abraham Lincoln :” What kills a skunk is the publicity it gives itself”. pic.twitter.com/PJ6HYwz8xk

— Pawan Kalyan (@PawanKalyan) November 12, 2018

శ్రీకాకుళంలోని టిట్లీ బాధితుల అసలు పరిస్థితి ఇది అంటూ పవన్ కళ్యాణ్ ఓ పత్రికలో వచ్చిన కథనాన్ని పోస్ట్ చేశారు. టిట్లీ జాబితాలు పూర్తిగా సిద్ధం కాలేదని, కరువు మండలాల్లో ఇన్‌ఫుట్ పైన తేల్చలేదని, భారీ వర్ష బాధితుల ఊసే లేదని, నిధుల విడుదలలోను కొంచెం.. కొంచెం ఇచ్చారని, అంతా ఇచ్చేసినట్లుగా చెబుతున్నారని ఆ కథనంలో ఉంది.

Titli victims real situation: pic.twitter.com/so2jXpF3bl

— Pawan Kalyan (@PawanKalyan) November 12, 2018

English summary

TDP Govt,help for Titli victims is peanuts,but publicity !! .. the size of an Everest!!! This reminds me of a quote of Abraham Lincoln :” What kills a skunk is the publicity it gives itself”.