లేడీ కానిస్టేబుల్‌కు క్లాస్ పీకిన అనిత.. ఇంటికి ఎందుకు వచ్చావంటూ ఫైర్ (వీడియో)

Published: Monday, June 20, 2022, 16:00 [IST]

మాజీమంత్రి అయ్యన్నపాతుడు ఇంటి ప్రహరీ గోడ కూల్చివేతను నిరసిస్తూ టీడీపీ నేతలు నిరసనకు దిగారు. ఇవాళ ఛలో నర్సీపట్నం పిలుపునిచ్చింది. దీంతో టీడీపీ నేతలు బయల్దేరుతుండగా.. ఎక్కడికక్కడ గృహ నిర్బంధం చేశారు. అలాగే తెలుగు మహిళ అధ్యక్షురాలు వంగలపూడి అనిత ఇంటికి లేడీ కానిస్టేబుల్ చేరుకున్నారు. తన వద్దకు వచ్చిన ఆ ఖాకీపై అనిత ఫైరయ్యారు. తనదైనశైలిలో ప్రశ్నలు వేసి కానిస్టేబుల్‌కు చుక్కలు చూపించారు. ఆ వీడియోను అనిత పంచుకున్నారు.

కానిస్టేబుల్‌ను భయపెట్టిన అనిత

వంగలపూడి అనితను గృహనిర్బంధం చేసేందుకు ఓ మహిళా పోలీసు కానిస్టేబుల్ ఆమె ఇంటికి వెళ్లారు. వెళ్లడమే పాపమైపోయింది. ఆమెపై అనిత మండిపడ్డారు. ఆ మహిళా పోలీసు నోటీసులు లేకుండా రావడంతో క్లాస్ తీసుకున్నారు. కానిస్టేబుల్‌ను నిల్చొబెట్టి మరీ క్లాస్ పీకారు. ఆ మహిళా పోలీసుకు నేమ్ ప్లేట్ కూడా లేదు. దీంతో అనితకు మరింత కోపం వచ్చింది. నేమ్ ప్లేట్ కూడా లేకుండా రావడం ఏంటీ అని ఫైరయ్యారు.

ప్లీజ్.. నోటీసులు ఉంటేనే రండి

41ఏ నోటీసులు ఉంటేనే తన ఇంటికి రావాలని అనిత స్పష్టంచేశారు. అప్పుడు గృహనిర్బంధం చేస్తే తనకే ఇబ్బంది లేదని కరాఖండీగా చెప్పారు. నిబంధనలు పాటించకుండా వచ్చి గృహనిర్బంధం అంటే కోర్టులో కేసు వేస్తానని హెచ్చరించారు. అప్పటికప్పుడు ఆ మహిళా పోలీసుతో సీఐకి ఫోన్ చేయించి ఇదే విషయాన్ని ఆ అధికారికి కూడా స్పష్టం చేశారు. దీనిపై అనిత ట్విట్టర్ లో స్పందించారు. పోలీసులపై ఓ రేంజ్‌లో ఫైరయ్యారు.

రూల్స్ బ్రేక్ చేయొద్దు

నిబంధనలు పాటించకుండా వచ్చి గృహనిర్బంధం అనే పోలీసులను నిలదీయాలని అనిత కోరారు. రాజ్యాంగ విరుద్ధంగా నడుచుకునే హక్కు ఎవరికీ లేదని స్పష్టం చేశారు. ఎవరైనా సరే రూల్స్ బ్రేక్ చేయొద్దు అని స్పష్టంచేశారు. పోలీసులు కూడా చట్టానికి అతీతులు కారని పేర్కొన్నారు. నోటీసు చేసి రావాలని సూచించారు. ఏదో కారణం చూపి.. హౌస్ అరెస్ట్ చేయడం ఏంటీ అని అడుగుతున్నారు. ఇదీ మంచి పద్దతి కాదని సూచించారు. తీరు మార్చుకోవాలని పోలీసులకు సూచించారు.

కానిస్టేబుల్ అవసరం లేదే

అనిత మాట్లాడుతున్నంత సేపు.. ఆ కానిస్టేబుల్ మిన్నకుండిపోయారు. ఏమీ సమాధానం చెప్పలేదు. అధికారులకు ఫోన్ చేయాలని కోరగా.. వెంటనే కాల్ చేశారు. తర్వాత సీఐ ఫోన్ మాట్లాడారు. తన ఇంటిముందు కానిస్టేబుల్ ఎందుకు అని అనిత సూటిగా ప్రశ్నించారు. వద్దు అని చెప్పడంతో ఆ కాల్ కట్ అవుతుంది.

Published On June 20, 2022