పెళ్లికి యువతి నో: అసభ్యకర సందేశాలు, బెదిరింపులు

హైదరాబాద్: పెళ్లి చేసుకుంటానని వెంటపడి.. కుదరకపోయేసరికి యువతి పైన వేధింపులకు పాల్పడిన ఓ వ్యక్తిని నగర నేర విభాగం పోలీసులు బుధవారం అరెస్టు చేశారు. అదిలాబాద్ జిల్లా నిర్మల్‌కు చెందిన రాజేష్ చిన్నప్పుడు తనతో పాటు చదివిన యువతిని పెళ్లి చేసుకునేందుకు ప్రయత్నించాడు.

ఆమె పెళ్లికి అంగీకరించకపోవడంతో కక్ష గట్టాడు. ఆమె పేరిట నకిలీ ఈమెయిల్ ఐడిలు సృష్టించి అసభ్యకర సందేశాలు పంపించడమే కాకుండా పెళ్లి సంబంధాలు చెడగొడుతూ.. బెదిరింపులకు పాల్పడ్డాడు. హైదరాబాదులో ఉంటున్న బాధితురాలి కుటుంబ సభ్యుల ఫిర్యాదు మేరకు బుధవారం నిందితుడిని అరెస్టు చేశారు.

ఇద్దరి అరెస్ట్

ఇరిడియం అని బురిడీ కొట్టించి సీసం అమ్మేందుకు ప్రయత్నించిన ఇద్దరిని పశ్చిమ మండలం టాస్క్ ఫోర్స్ పోలీసులు బుధవారం అరెస్టు చేశారు. వరంగల్ జిల్లా ఏటూరు నాగారంకు చెందిన రమేష్, హన్మకొండకు చెందిన రాజేంద్రప్రసాద్‌లను హైదరాబాదులోని మల్లేపల్లి వద్ద పోలీసులు అరెస్టు చేశారు.

English summary

Youth arrested for harassing woman in Hyderabad.