e4m DO GOOD Awards 2024: సత్తా చాటిన వన్ఇండియా నెట్వర్క్..ఏకంగా 6 అవార్డులు..!!
మీడియా రంగంలో ప్రముఖ పురస్కారాల్లో ఒకటైన ఎక్స్ఛేంజ్ 4 మీడియా e4m DO GOOD అవార్డ్స్ 2024 అవార్డ్స్లో వన్ఇండియా నెట్వర్క్ అద్భుత విజయం సాధించింది. వివిధ అంశాలపై సామాజిక ప్రభావం చూపినందుకు వన్ఇండియాకు మొత్తం ఆరు ప్రతిష్టాత్మక పురస్కారాలు లభించాయి.
మాగ్ససె పురస్కార గ్రహీత, గూంజ్ మరియు గ్రామ్ స్వాభిమాన్ సంస్థల వ్యవస్థాపకుడు అన్షు గుప్తా అధ్యక్షతన ఉన్న కమిటీ ఈ అవార్డు గ్రహీతలను నిర్ణయించింది. ఢిల్లీలోని నెహ్రూ ప్లేస్లో ఉన్న హోటల్ ఇరోస్లో జరిగిన ప్రత్యేక కార్యక్రమంలో పురస్కారాలను ప్రదానం చేశారు.
కార్గిల్ క్రానికల్స్: కమ్యూనిటీ కనెక్ట్ విభాగంలో అగ్రస్థానం
వన్ఇండియా ప్రధాన ప్రాజెక్ట్ 'కార్గిల్ క్రానికల్స్' కమ్యూనిటీ కనెక్ట్ విభాగంలో అగ్ర గుర్తింపు పొందింది. ఇది కార్గిల్ యుద్ధ వీరులకు హృదయపూర్వక నివాళి. ఈ సిరీస్లో, 101 రెగ్యులర్ కోర్స్ పూర్వ సైనికులు (వెటరన్స్) కీలకమైన యుద్ధ క్షేత్రాల గుండా మోటార్ సైకిల్ యాత్ర చేస్తూ, తమ జ్ఞాపకాలను నెమరువేసుకున్నారు. కెప్టెన్ విక్రమ్ బాత్రా సహా అమరులైన తమ సహచరులకు నివాళులర్పించారు. విజయ్ దివాస్ 2024కు ముందు విడుదలైన ఈ సిరీస్ 10 మిలియన్లకు పైగా వ్యూస్ సాధించింది. ప్రధానమంత్రి నరేంద్ర మోడీ సమక్షంలో దీన్ని అధికారికంగా ప్రదర్శించారు. ఇది కేవలం డిజిటల్ సిరీస్ మాత్రమే కాదు, దేశ ధైర్యం, త్యాగానికి జాతీయ నివాళిగా నిలిచింది.
ఆర్ట్స్ & కల్చర్ విభాగంలో ప్రత్యేకత
వన్ఇండియా తమిళం 'ఆర్ట్స్ & కల్చర్' విభాగంలో 'సినిమా-కాగ యాక్టింగ్ క్లాస్'కు ప్రత్యేక గుర్తింపు పొందింది. ఇది సమాజం, భావోద్వేగాలు, కళలను ప్రతిబింబించడానికి థియేటర్, సినిమాను విలీనం చేసిన సాహసోపేత ప్రయోగం. ఆలోచింపజేసే కథనాలు, బలమైన నటనతో ఇది వాణిజ్యపరమైన నిబంధనలకు దూరంగా ఉండి, లోతైన అర్థాలు, సాంస్కృతిక విలువలను అన్వేషించింది.
మెప్పాడి వరదలు, ఆరాలం సంఘర్షణ: డిజాస్టర్ రిలీఫ్ & రెస్పాన్స్
వన్ఇండియా మలయాళం మెప్పాడి వరదలు మరియు ఆరాలం మానవ-ఏనుగుల సంఘర్షణపై చేసిన క్యాంపెయిన్కు గాను 'డిజాస్టర్ రిలీఫ్ & రెస్పాన్స్' విభాగంలో సత్కారం పొందింది. సమయానుకూల జోక్యం, పర్యావరణ ప్రణాళిక, సమాజ భాగస్వామ్యం ఎలా విపత్తు ప్రభావిత ప్రాంతాలలో శాశ్వత పరిష్కారాన్ని చూపగలదో ఈ కథనాల ద్వారా ప్రదర్శించడం జరిగింది.
పురస్కారాలు లభించిన విభాగాలు, ప్రాజెక్టుల వివరాలు:
- ఆర్ట్స్ అండ్ కల్చర్ సినిమా: 'ఆక్టింగ్ క్లాస్' (వన్ఇండియా తమిళం)
- డిజిటల్ ఎంపవర్మెంట్: 'డిజిటల్ ఇండియా' (గుడ్ రిటర్న్స్)
- కమ్యూనిటీ కనెక్ట్: 'కార్గిల్ క్రానికల్స్' (వన్ఇండియా న్యూస్)
- డిజాస్టర్ రిలీఫ్ అండ్ రెస్పాన్స్: 'డిజాస్టర్ రిలీఫ్ స్టోరీస్' (వన్ఇండియా మలయాళం)
- కమ్యూనికేషన్ అండ్ క్యాంపెయిన్స్లో బెస్ట్ ప్రాజెక్ట్ వీడియో: 'స్కామ్డ్' (వన్ఇండియా న్యూస్)
- ఎమర్జింగ్ మీడియాలో బెస్ట్ యూజ్: 'సహీ పకడే హే' (వన్ఇండియా హిందీ)
ఈ పురస్కారాలు వన్ఇండియా నెట్వర్క్ వివిధ భాషలలో, వివిధ అంశాలపై చూపుతున్న సామాజిక బాధ్యత అని నిర్వాహకులు పేర్కొన్నారు.ఈ సందర్భంగా వన్ ఇండియా యాజమాన్యాన్ని అభినందించారు.
Click it and Unblock the Notifications
Sign in with Google