బిగ్ షాక్ ఇవ్వడానికి రెడీ అయిన బంగారం ధరలు

Updated: Saturday, January 17, 2026, 19:11 [IST]

వరుసగా తగ్గుతూ వచ్చిన బంగారం ధరలు నేడు కాస్త స్థిరంగా కనిపించాయి. పెద్దగా మార్పులేవీ చోటు చేసుకోలేదు. ఇప్పటికే రికార్డు స్థాయి రేటుకు చేరుకున్న పసిడి రెండు రోజులుగా తగ్గుముఖం పట్టినప్పటికీ.. ఇప్పుడు నిలకడను సాధించింది. ఓ మోస్తరుగా తగ్గాయి కూడా. వచ్చే వారం మళ్లీ పెరుగుతుందనే అంచనాలు వ్యక్తమౌతోన్నాయి. ఇక మున్ముందు కూడా వీటి ధరల పెరుగుదల కొనసాగుతుందని విశ్లేషకులు చెబుతున్నారు. అంతర్జాతీయ చోటు చేసుకుంటోన్న పరిణామాలు కూడా దీనికి బలాన్ని చేకూరుస్తోన్నాయి.

దేశంలో బంగారం, వెండి ధరలు స్వల్పంగా పెరిగాయి. 24 క్యారెట్ల బంగారం ధర 10 గ్రాములకు 1,43,390 రూపాయలకు చేరుకుంది. ఇతర ప్రధాన నగరాల్లో 22 క్యారెట్ల బంగారం 1,31,440 రూపాయలుగా నమోదైంది. వెండి ధర విషయానికొస్తే కిలోకు రూ. 100 తగ్గింది. రూ. 2,91,900 వద్ద ట్రేడ్ అయ్యింది. ఢిల్లీ, కోల్‌కతా, ముంబైలలో ఇదే ధర ఉండగా, చెన్నైలో కిలో వెండి రూ. 3,05,900కి చేరింది. రికార్డు గరిష్ట స్థాయిలను నమోదు చేసిన తర్వాత అమెరికాలోని పెట్టుబడిదారులు లాభాలు స్వీకరించడమే ఈ ధరల పతనానికి ప్రధాన కారణం.