బంగారం ధరలు చూస్తే మైండ్ బ్లాక్ అవ్వడం గ్యారంటీ: ఏపీలో రేట్లు ఇవీ

Published: Monday, December 1, 2025, 10:34 [IST]

దేశీయ బులియన్ మార్కెట్ లో బంగారం ధరలు తగ్గట్లేదు. మళ్లీ పెరిగాయి. ఈ వారం భారీ పెరుగుదల ఉండొచ్చనే అంచనాలను వాస్తవం చేశాయి. ఫెడ్ రేట్ కోత అంచనాలు, డాలర్ బలహీన పడటం, పెరిగిన స్పాట్ డిమాండ్, పెళ్లిళ్ల సీజన్ వంటివి ఈ పెరుగుదలకు కారణం అయ్యాయి. రిజర్వ్ బ్యాంక్ మానిటరీ పాలసీ కమిటీ (MPC) సమావేశం కాబోతోండటం కూడా దీనికి ఓ కారణం అయిందనే అంచనాలు ఉన్నాయి. ఇక ముందు బంగారంతో పాటు వెండి ధరలు మరింత పుంజుకోవడం ఖాయంగా కనిపిస్తోంది.

24 క్యారెట్ల 10 గ్రాముల బంగారం ధర ఏకంగా 1,30,480 రూపాయలకు చేరింది. 22 క్యారెట్ల రేటు 1,19,600 రూపాయలు పలుకుతోంది. వెండి ధర కూడా అదే స్థాయిలో పరుగులు పెడుతోంది. స్పాట్ మార్కెట్‌లో కిలో వెండి 1,88,000 రూపాయలుగా ఉంది. ఎంసీఎక్స్‌లో బంగారం 0.67 శాతం మేర పెరుగుదల కనిపించింది. 10 గ్రాములకు 1,30,373 రూపాయలకు చేరింది. వెండి 1.5 శాతం మేర పెరిగి, కిలోకు 1,77,609 రూపాయల వద్ద ట్రేడ్ అయింది. ముంగిపు రోజుతో పోల్చుకుంటే బంగారం ధర 24 క్యారెట్ల బంగారం గ్రాముకు 13,048, 22 క్యారెట్లు- రూ.11,960, 18 క్యారెట్లు గ్రాముకు రూ.9,786లు పలుకుతోంది.