ఊహకు అందని విధంగా బంగారం ధరలు.. రోజురోజుకూ

బంగారం ధరలు నానాటికీ పెరుగుతున్నాయి. ఏ ఒక్క రోజు కూడా అవి తగ్గే సూచనలు కనిపించట్లేదు. వెండిదీ ఇదే పరిస్థితి. పసిడి- వెండి రేట్లు పైపైకి దూసుకెళ్తున్నాయి. ఈ దూకుడు నేడు కూడా కొనసాగింది. అంతర్జాతీయ మార్కెట్ లో ఒక ఔన్స్ బంగారం ధర 5,000 డాలర్లను దాటిపోయింది. దీని ప్రభావం దేశీయ బంగారం అమ్మకాలపై పడింది. పెరుగుతున్న భౌగోళిక-రాజకీయ అనిశ్చితుల నేపథ్యంలో బంగారం ధర రికార్డు స్థాయికి చేరింది.

సురక్షితమైన పెట్టుబడిగా గిరాకీ పెరగడంతో, భారత్ లో పసిడి ధరలు కొత్త గరిష్టాలను నమోదు చేశాయి. ముంబైలో 24 క్యారెట్ల బంగారం 10 గ్రాములకు రూ. 1,60,250కి, 22 క్యారెట్ల బంగారం రూ. 1,46,890కి పెరిగింది. వెండి ధర కూడా స్పాట్ మార్కెట్‌లో కిలోకు రూ. 3,35,000తో కొత్త గరిష్టాన్ని తాకింది. అంతర్జాతీయంగా స్పాట్ గోల్డ్ 1.79 శాతం పెరిగి ఔన్సుకు 5,071.96 డాలర్లకు చేరుకుంది. యూఎస్ గోల్డ్ ఫ్యూచర్స్ సైతం 1.79 శాతం లాభంతో ఔన్సుకు 5,068.70 డాలర్ల వద్ద ముగిశాయి.

ఢిల్లీ, జైపూర్‌లో 10 గ్రాముల 24 క్యారెట్ల బంగారం రూ. 1,60,400లకు చేరింది. ముంబై, హైదరాబాద్, చెన్నైలలో 1,60,250 రూపాయల వద్ద లభించింది. 22 క్యారెట్ల బంగారం విషయానికి వస్తే ఢిల్లీలో రూ. 1,47,040 ఉండగా, ముంబైలో 1,46,890గా నమోదైంది. ఇప్పట్లో బంగారం ధరలు తగ్గడానికి ఎంతమాత్రం అవకాశం లేదని చెబుతున్నారు.

ప్రధాన నగరాల్లో నేటి బంగారం ధరలు (గ్రాముకు)

చెన్నై..

24 క్యారెట్లు- రూ. 16,391, 22 క్యారెట్లు - రూ. 15,025, 18 క్యారెట్లు - రూ. 12,500

ముంబై..

24 క్యారెట్లు - రూ. 16,025, 22 క్యారెట్లు- రూ. 14,689, 18 క్యారెట్లు - రూ. 11,018

బెంగళూరు..

24 క్యారెట్లు - రూ. 16,025, 22 క్యారెట్లు- రూ. 14,689, 18 క్యారెట్లు- రూ. 12,018

హైదరాబాద్..

24 క్యారెట్లు - రూ. 16,025, 22 క్యారెట్లు- రూ. 14,689, 18 క్యారెట్లు- రూ. 12,018

విజయవాడ..

24 క్యారెట్లు - రూ. 16,025, 22 క్యారెట్లు- రూ. 14,689, 18 క్యారెట్లు- రూ. 12,018

విశాఖపట్నం..

24 క్యారెట్లు - రూ. 16,025, 22 క్యారెట్లు- రూ. 14,689, 18 క్యారెట్లు- రూ. 12,018

English summary

Gold Prices surged to a record high above 5,000 dollar an ounce on Monday, extending a historic rally as investors piled into the safe-haven asset amid rising geopolitical uncertainties. With this, the yellow metal’s price in India has crossed Rs 1,60,000 per 10 grams.